ខ្សែប្រយុទ្ធអាហ្សង់ទីន Lionel Messi ពិតជាមិនធ្វើឲ្យក្លិបយក្សអេស្ប៉ាញ Barcelona ខកបំណងឡើយ ដោយកីឡាកររូបនេះ បានដើរតួយ៉ាងសំខាន់​ក្នុងជំនួបទម្លាក់ក្រុមតោខៀវ Chelsea យប់មិញនេះ។

ក្រុម Barcelona បានកែប្រែប្រវត្តិសាស្ត្រ ឆ្លងមិនផុតក្រុមតោខៀវ Chelsea បាន​សម្រេចហើយ​ ក្រោយពីបានបំបាក់ក្រុមអង់គ្លេសមួយនេះ មិនឲ្យតដៃបានក្នុង​លទ្ធផល ៣-០ យប់មិញនេះ។ ក្នុងនោះដែរ ខ្សែប្រយុទ្ធកំពូល Lionel Messi ធ្វើ​បានយ៉ាងល្អ ក្នុងការប្រកួតនេះ ដោយអាចរកគ្រាប់បាល់បាន ២គ្រាប់ និងបញ្ជូន​បាល់ឲ្យមិត្តរួមក្រុមទាត់បាន១គ្រាប់ទៀត។ ២គ្រាប់របស់ Messi រកបាននៅនាទីទី ៣ និងនាទីទី៦៣ ខណៈ១គ្រាប់ទៀតរកបានដោយ ការស៊ុតរបស់កីឡាករ Ousmane Dembele នៅនាទីទី ២០។ យ៉ាងណាវិញ ២គ្រាប់របស់ Lionel Messi យប់មិញនេះ បានធ្វើឲ្យកីឡាករអាហ្សង់ទីនរូបនេះ អាចស៊ុតបាន ១០០គ្រាប់ហើយ នៅក្របខ័ណ្ឌ Champion League ដោយឈរលំដាប់ទី២ បន្ទាប់ពី Cristiano Ronaldo ដែលស៊ុតបានច្រើនជាងនេះ។

ដូច្នេះហើយ ក្រុម Barcelona បានទម្លាក់ក្រុមតោខៀវ Chelsea ត្រឹមវគ្គ ១៦ក្រុមចុងក្រោយ ដោយ​លទ្ធផលសរុបទាំង២ ជើង ៤-១ បន្តឡើងទៅកាន់វគ្គ ៨ក្រុមចុងក្រោយជាបន្តទៀត។

https://www.youtube.com/watch?v=YnBzaRw2tTw