ផ្ទះ ព័ត៌មានជាតិ តារាល្បីៗ លេច...

តារាល្បីៗ លេចមុខថ្ងៃសម្ពោធសណ្ឋាគារ«តារា»

0

ភ្នំពេញ: កាលពីយប់ថ្ងៃទី១៧ មិថុនា លោកប៉ាន់ តារាដែលត្រូវគេដឹងថាជាពាណិជ្ជករមានទំនាក់ទំនងស្អិតល្មួតជាមួយតារាសិល្ប:នៅក្នុងប្រទេសកម្ពុជា បានប្រារព្ធពិធីបើកសម្ពោធភោជនីយដ្ឋាន និងសណ្ឋាគារយីហោ«តារា» យ៉ាងអធឹកអធម។ នៅក្នុងពិធីនោះគេឃើញវត្តមានតារាល្បីៗយ៉ាងច្រើនកុះករដែលសុទ្ធសឹងតែជាតារាល្បីៗមកពីបណ្ដាផលិតកម្មផ្សេងៗ និងតារាសម្ដែងផងចូលរួម។

ហាងដែលបើកដំណើរការនេះ គឺជាប្រភេទសណ្ឋាគារ និងភោជនីយដ្ឋានក្នុងទ្រង់ទ្រាយធំមួយនៅលើទីតាំងផ្ទះលេខ១០៦AB សង្កាត់ផ្សារដើមគរ តាមបណ្ដោយផ្លូវធំ ត្រង់ខាងកើតស្ដុបម៉ុងឌីយ៉ាល់នៅផ្សារដើមគរ។ តារាសិល្ប:ដែលបានបង្ហាញមុខនៅក្នុងយប់នោះរួមមាន លោកហ្សូណូ, លោកនៅ ស៊ីនឿន តារាចម្រៀងផលិតកម្មហង្សមាស, តារាសម្ដែងប្រចាំផលិតកម្មថោនលោកលី ណូរ៉ា, លោកជុំ លីណូ, កញ្ញាទឹម រដ្ឋា, កញ្ញាទឹម វត្តី, លោកវង្ស តារារតនា, លោកសុគន្ធ ថេរ៉ាយុ, លោកករុណា ពេជ្រ, កញ្ញា សុផា លីនដា, កញ្ញា រ៉ូលីន, លោកអឿ នរ:វិជ្ជា, លោកអាឡិចចន្ត្រា និងតារាសិល្ប:យ៉ាងច្រើនកុះករផ្សេងទៀត សុទ្ធតែបានបង្ហាញវត្តមាននៅក្នុងពិធីនោះ។

តារាភាគច្រើនក៏ត្រូវបានអញ្ជើញតាមរយ:លោកវណ្ណធូ ម្ចាស់ហាងលក់សំលៀកបំពាក់ធំមួយនៅម្ដុំផ្ការាំទឹករាំ ដែលត្រូវគេដឹងថាជាអ្នកឧបត្ថម្ភសំលៀកបំពាក់តារាភាគច្រើនផងដែរ ទើបញាំងឲ្យពិធីទាំងមូលមានវត្តមានសុទ្ធតែល្បីៗ។

Loading...