កំពត: គ្រោះចរាចរណ៍ដ៏សែនរន្ធត់ បុរស៣នាក់បានស្លាប់ភ្លាមៗនៅហ្នឹងកន្លែងយ៉ាងអាណោចអាធ័ម ដោយរថយន្តហ៊ីយ៉ាន់ដាយ (៥តោន) មួយគ្រឿង បោកបុក ខណ:ជិះម៉ូតូឌុបគ្នា កាលពីវេលាម៉ោងប្រមាណ០២យប់រំលងអាធ្រាត្រ ឈានចូលថ្ងៃទី១៨ ខែមិថុនា ឆ្នាំ២០១៦ ស្ថិតនៅក្នុងភូមិត្រពាំងសង្កែ ឃុំត្រពាំងសង្កែ ស្រុកទឹកឈូ ខេត្តកំពត។
ប្រភពឲ្យដឹងថា ហេតុការណ៍នេះ បង្កឡើងដោយរថយន្តហ៊ីយ៉ាន់ដាយ (៥តោន) មួយគ្រឿង ពាក់ស្លាកលេខកំពត 3A-0414 បើកបុកម៉ូតូសេ១២៥ មួយគ្រឿង ស៊េរី២០១៥ ពណ៌ខ្មៅ ស្លាកលេខភំ្នពេញ1CT-3852 បណ្ដាលឲ្យបុរសអ្នកជិះលើម៉ូតូទាំង៣នាក់ ស្លាប់ភ្លាមៗនៅហ្នឹងកន្លែងយ៉ាងរន្ធត់ នៅខាងកើតស្ពានក្បាលរមាស ប្រហែល២០០ម៉ែត្រ ស្ថិតនៅក្នុងភូមិត្រពាំងសង្កែ ឃុំត្រពាំងសង្កែ ស្រុកទឹកឈូ ខេត្តកំពត។
បើតាមសមត្ថកិច្ចបានប្រាប់ឲ្យដឹងបន្តថា អ្នកដែលស្លាប់ទាំង៣នាក់នោះ នៅមិនទាន់ស្គាល់អត្តសញ្ញាណនៅឡើយទេ។ រីឯរថយន្តបង្កចាប់បានហើយ សមត្ថកិច្ចកំពុងអន្តរាគមន៍យកមករង្សាទុក៕
មតិយោបល់