ព្រៃវែងៈ សមត្ថកិច្ចបានប្រាប់Post Newsថា មានការភ្ញាក់ផ្អើលមួយបានកើតឡើង ខណៈដែលមានបុរសម្នាក់ បានធ្វើអត្តឃាតចង.កសម្លាប់ខ្លួន ព្រោះតែខឹងឪពុកលែងឲ្យចូលផ្ទះ។

ករណីនេះកើតឡើងនៅម៉ោង១១និង៣០នាទីយប់ ថ្ងៃទី១៧ ខែមីនា ឆ្នាំ២០១៨ ភូមិព្រះអណ្ដូង ឃុំស្វាយជ្រុំ ស្រុកមេសាង ខេត្តព្រៃវែង។

សមត្ថកិច្ចបានឲ្យដឹងថា ជនរងគ្រោះមានឈ្មោះ យន ព្រិច ភេទប្រុស អាយុ២៣ឆ្នាំ បានយកក្រម៉ា ទៅចង.កនឹងដើមព្រីងខាងក្រោយផ្ទះចម្ងាយ ១៥ ម៉ែត្រ បណ្តាលឲ្យស្លាប់តែម្តង។

បច្ចុប្បន្នសពជនរងគ្រោះត្រូវបានសមត្ថកិច្ចធ្វើកំណត់ហេតុ ប្រគល់ឲ្យសាច់ញាតិធ្វើបុណ្យតាមប្រពៃណី៕