ភ្នំពេញ: ហេតុការណ៍ដែលគួឲ្យភ្ញាក់ផ្អើលមួយ បានកើតឡើងដោយមានរថយន្តមួយគ្រឿង ដែលកំពុងធ្វើដំណើរជាលក្ខណ:គ្រួសារ មានប្តីប្រពន្ធ និងកូនទើបតែវិលត្រឡប់មកពីចូលរួមកម្មវិធី ដោយអ្នកបើកបរស្រវឹងស្រឿងៗព្រិលភ្នែក ទើបរេចង្កូតឡើងខឿនទ្រូងផ្លូវ បណ្តាលឲ្យបុកបាក់បង្គោលស្លាកបង្ហាញចរាចរណ៍ និងបន្តទៅបុកបង្គោលភ្លើងដែកបំភ្លឺផ្លូវ កោងវៀចមួយដើមទៀត ទើបរថយន្តទៅមុខលែងរួច។ ហេតុការណ៍នេះបានកើតឡើងកាលពីវេលាម៉ោង ៧និង១០នាទីយប់ ថ្ងៃទី១៧ ខែមីនា ឆ្នាំ២០១៨ នៅត្រង់ចំណុចផ្លូវ២០០៤ ភូមិត្រពាំងល្វា សង្កាត់កាកាប១ ខណ្ឌពោធិ៍សែនជ័យ រាជធានីភ្នំពេញ។
រថយន្តបង្កខាងលើ ពណ៌ប្រផេះ ពាក់ស្លាកលេខ ភ្នំពេញ 2G-3171 ជិះជាលក្ខណ:គ្រួសារ តែមិនបានប្រាប់ឲ្យស្គាល់ពីអត្តសញ្ញាណនោះទេ ។
តាមប្រភពកន្លែងកើតហេតុបានឲ្យដឹងថា មុនកើតហេតុរថយន្តបង្កធ្វើដំណើរជាលក្ខណ:គ្រួសារមានប្រពន្ធ និងកូនទើបវិលមកពីចូលរួមកម្មវិធីផឹកស៊ីស្រវឹងស្រឿង ហើយព្យាយាមបើកបររថយន្ត គោលបំណងឆ្ពោះទៅផ្ទះដោយ ធ្វើដំណើរតាមបណ្តោយផ្លូវ២០០៤ក្នុងទិសដៅ ពីលិចទៅកើត លុះដល់ចំណុចកើតហេតុសង្ស័យព្រិលភ្នែក ទើបរេចង្កូតឡើងខឿនទ្រូវផ្លូវ ទៅបុកបង្គោលស្លាកសញ្ញាចរាចរណ៍បាក់រាបមួយដើម ហើយរថយន្តបន្តទៅបុកបង្គោលភ្លើងបំភ្លឺផ្លូវមួយដើមទៀត បណ្តាលឲ្យរងការខូចមុខផ្នែកខាងឆ្វេង និងបាក់យ៉ាន់ខ្ទេច ។
ក្រោយកើតហេតុរថយន្តបង្ករួមជាមួយអ្នកបើកបរត្រូវបានសមត្ថកិច្ចនាំយកទៅរក្សាទុកនៅការិយាល័យជំនាញចរាចរណ៍ផ្លូវគោករង់ចាំកសាងសំណុំរឿងតាមនីតិវិធីច្បាប់៕
មតិយោបល់