ភ្នំពេញៈ មានការភ្ញាក់ផ្អើលមួយបានកើតឡើង ខណៈដែលមានជនសង្ស័យ១ក្រុមបានធ្វើសកម្មភាពឆក់កាបូបពីនារីម្នាក់ តែមិនបានសម្រេច ហើយព្យាយាមបើកម៉ូតូរត់ ត្រូវបាននគរបាលព្រហ្មទណ្ឌ ដេញចាប់ខ្លួនបានម្នាក់ ចំណែកបក្ខពួកផ្សេងទៀតរត់គេចខ្លួនបាត់ស្រមោល កាលពីវេលាម៉ោង៨និង១០នាទីយប់ ថ្ងៃទី២២ ខែមីនា ឆ្នាំ២០១៨ នៅផ្លូវ១៦៣ កែងនិង៣១០ សង្កាត់អូរឡាំពិក ខណ្ឌចំការមន រាជធានីភ្នំពេញ។

ជនសង្ស័យមានឈ្មោះ ធូគីម និត ភេទប្រុស អាយុ១៧ឆ្នាំ មុខរបរជាកម្មករសំណង់។

បច្ចុប្បន្នជនសង្ស័យខាងលើត្រូវបានបញ្ជូនខ្លួនទៅកាន់ការិយាល័យព្រហ្មទណ្ឌកម្រិតស្រាលនៃស្នងការដ្ឋាននគរបាលរាជធានីភ្នំពេញ ចាត់ការតាមច្បាប់បន្តទៀត៕