កណ្តាលៈ លោកអធិការស្រុកពញាឭ បានប្រាប់Post Newsថា មានករណីអគ្គិភ័យឆាបឆេះរ៉ឺម៉កម៉ូតូមួយគ្រឿង កាលពីវេលាម៉ោង១០និង៥នាទី ថ្ងៃទី២៥ ខែមីនា ឆ្នាំ២០១៨ ស្ថិតនៅចំណុចគីឡូម៉ែត្រ ២៥-២៦ ភូមិពញាឭ ឃុំពញាឭ ស្រុកពញាឭ ខេត្តកណ្តាល។

អគ្គិភ័យនេះឆាបឆេះម៉ូតូសណ្តោងរ៉ឺម៉កម៉ាក សង់កូរ៉េ ពណ៌ក្រហម ពាក់ស្លាកលេខ ភ្នំពេញ 1C-7108 បើកបរដោយបុរសម្នាក់ ដឹកសម្ភារៈផ្ទះបាយចេញពីភ្នំពេញ ឆ្ពោះមកខេត្តកំពង់ឆ្នាំង លុះដល់ចំណុចកើតហេតុ ដោយសារតែម៉ូតូចាស់ឌ្រុតទ្រោមពេក និងគួបផ្សំម្ចាស់មិនប្រយត្ន័ចំពោះប្រពន្ធ័ភ្លើង ទើបបណ្តាលឲ្យឆាបឆេះតែម្តង តែមិនបណ្តាលឲ្យនរណាម្នាក់រងរបួសនោះទេ៕