ទម្លាប់ និងការរស់នៅប្រកបទៅដោយផាសុខភាពអាចបង្កើនដល់សរីរាង្គផ្លូវភេទរបស់បុរសឲ្យកាន់តែមានភាពខ្លាំងក្លា ដែលជាបំណងប្រាថ្នារបស់បុរសគ្រប់រូប។ ទោះជាយ៉ាងណាជីវិតរស់នៅក្នុងសម័យទំនើបនេះមានផលប៉ះពាល់យ៉ាងខ្លាំង ដែលធ្វើឲ្យសុខភាពផ្លូវភេទរបស់បុរសមានភាពទន់ខ្សោយ។ ប្រការដែលល្អបំផុតអ្នកគួរតែមានទម្លាប់រស់នៅឲ្យបានល្អទើបជួយលើកកម្ពស់សមត្ថភាពបុរសបានរឹងមាំ។
១. កំណត់ការសេពគ្រឿងស្រវឹង
ស្រាបៀរ ឬស្រាមួយចំនួនទៀតអាចនាំមកនូវអត្ថប្រយោជន៍ដល់សុខភាព ប៉ុន្តែវាមានកម្រិតដូចជាស្រាក្រហមមានសារជាតិ Flavonoids ដែលអាចជួយប្រឆាំង ជម្ងឺមហារីក និងជម្ងឺបេះដូង។ តែប្រសិនបើអ្នកផឹកគ្រឿងស្រវឹងច្រើនពេកអាចបង្កើនហានិភ័យនៃជម្ងឺធ្លាក់ទឹកចិត្ត កាត់បន្ថយមុខងារសរីរវិទ្យា និងចំណង់។
២. គ្មានការជក់បារី
ជាតិនីកូទីនដែលមាននៅក្នុងថ្នាំជក់អាចធ្វើឲ្យប៉ះពាល់ដល់សសៃឈាម និងស្ទះលំហូរឈាម។ ដូច្នេះសសៃឈាមតូចនៅក្នុងលិង្គអាចងាយនិងរងគ្រោះ រហូតដល់ប៉ះពាល់ដល់ជីវិតផ្លូវភេទ។ ហេតុនេះហើយការបោះបង់ការជក់បារីមិនត្រឹមតែធ្វើឲ្យជួយសម្រួលដល់ការរួមភេទនោះទេ តែវាជួយឲ្យអ្នកមានសុខភាពល្អថែមទៀត។
៣. រួមភេទទៀងទាត់
ការរួមភេទទៀតទាត់ក៏អាចរួមចំណែក ធ្វើឲ្យរាងកាយរបស់អ្នកផលិតអ័រម៉ូន Endorphins បានច្រើន និងបង្កើនបរិមាណនៃអ័រម៉ូន Testosterone ក្នុងរាងកាយ។ នេះជាអ័រម៉ូនដ៏សំខាន់ដែលបុរសត្រូវការបំផុត។
៤. គេងឲ្យបានគ្រប់គ្រាន់
កង្វះនៃការគេងគឺទាក់ទងនឹងការព្យាបាលជម្ងឺងាប់លិង្គ និងបញ្ហាផ្លូវភេទផ្សេងទៀតសម្រាប់បុរស។ ការដេកគ្រប់គ្រាន់អាចបង្កើនចំណង់ផ្លូវភេទ និងការធ្វើឲ្យប្រសើរឡើងនូវជីវិតផ្លូវភេទ។
៥.ឥទ្ធិពលនៃការហាត់ប្រាណ
ការធ្វើលំហាត់ប្រាណឲ្យបានទៀតទាត់អាចជួយទាំងបុរស ទាំងស្ត្រីឲ្យប្រសើរឡើងនូវជីវិតផ្លូវភេទ និងបង្កើនចំណង់ផ្លូវភេទ។ ការហាត់ប្រាណមិនត្រឹមតែជួយឲ្យប្រព័ន្ធសសៃឈាមបេះដូងមានសុខភាពល្អប៉ុណ្ណោះទេ វាថែមទាំងអាចបង្កើនអ័រម៉ូនផ្លូវភេទក៏ដូចជាអ័រម៉ូន Endorphins ជួយឲ្យបញ្ញាស្មារតីល្អប្រសើរជាងមុន។
៦.ការបរិភោគ
អ្នកគួរតែបរិភោគបន្លែ និងផ្លែឈើអាចជួយប្រឆាំងអុកស៊ីតកម្មដែលមានផលល្អសម្រាប់សុខភាព និងកែលម្អជីវិតផ្លូវភេទ។ របបអាហារដូចជាបន្លែ និងផ្លែឈើសម្បូរទៅដោយអាស៊ីតអូមេហ្គា ៣ មានផលល្អសម្រាប់សុខភាពផ្លូវភេទ។ មិនតែប៉ុណ្ណោះរបបអាហារធម្មជាតិបែបនេះអាចជួយការពារមិនឲ្យកើតជម្ងឺក្រពេញប្រូស្តាត និងបន្ថែមចំណង់ផ្លូវភេទរបស់បុរសថែមទៀត៕
មតិយោបល់