ភ្នំពេញៈ ស្រវឹងធ្លាក់ភ្នែក បើករថយន្តលឿនដូចហោះ ជ្រុលចង្កូតបុករះម៉ូតូជាច្រើនគ្រឿង និងរងរបួសធ្ងន់ សន្តិសុខម្នាក់ កាលពីវេលាម៉ោង ១២និង៣០នាទីរំលងអាធ្រាត្រឈានចូលថ្ងៃទី១៩ ខែមិថុនា ឆ្នាំ២០១៦ នៅចំណុចផ្លូវលេខ២៨១ ដែលស្ថិតក្នុងសង្កាត់បឹងកេងកង២ ខណ្ឌចំការមន។
ប្រភពឲ្យដឹងថា ហេតុការណ៍ខាងលើនេះ បង្កឡើងដោយបុរសម្នាក់ស្រវឹងស្រាជោកជាំ បើករថយន្តម៉ាកហាយលែនឌឺ មួយគ្រឿង ពណ៌ខ្មៅ ពាក់ស្លាក់លេខ ភ្នំពេញ2N-0979 បើកបរក្នុងល្បឿនយ៉ាងលឿន ក៏ជ្រុលចង្កូតបុករះម៉ូតូជាច្រើនគ្រឿងដែលចតទុកនៅពីមុខហាងផឹកស៊ី បុប្ភាគីរីរម្យ ព្រមទាំងបង្កឲ្យសន្តិសុខដែលយាមម៉ូតូរងរបួសធ្ងន់ត្រូវជើងទាំងសងខាង។
បច្ចុប្បន្ន រថយន្តបង្កគ្រោះថ្នាក់ចរាចរណ៍ត្រូវនគរបាលយកទៅរក្សាទុក ដើម្បីរងចាំការដោះស្រាយតាមនីតិវិធី៕
មតិយោបល់