កំពង់ស្ពឺ: កម្លាំងនគរបាលប្រឆាំងបទល្មើសសេដ្ឋកិច្ច ខេត្តសហការជាមួយជំនាញព្រហ្មទណ្ឌកម្រិតស្រាលខេត្ដ ចុះឆែកឆេរទីតាំងលក់ម៉ូតូចំនួន ៣គោលដៅនៅក្រុងច្បារមន កាលពីរសៀលថ្ងៃទី២ ខែមេសា ឆ្នាំ២០១៨ វេលាម៉ោង១២ និង៣០នាទី ដឹកនាំដោយលោកឧត្តមសេនីយត្រី សោម បូរ៉ា ស្នងការរង និងលោកវរសេនីយ៍ឯក ម៉ាត់ ធុច ស្នងការរង សម្របសម្រួលពីលោកអ៊ូ ផាត ព្រះរាជអាជ្ញារង អយ្យការអមសាលាដំបូងខេត្ដ បានចុះត្រួតពិនិត្យទីតាំងលក់ម៉ូតូចំនួន៣កន្លែង ស្ថិតនៅក្នុងភូមិពាណិជ្ជកម្ម សង្កាត់ រការធំ ក្រុងច្បារមន ខេត្តកំពង់ស្ពឺ។
ជាលទ្ធផល រកឃើញម៉ូតូគ្មានពន្ធ នាំចូលចំនួន ២៦គ្រឿង និងម៉ូតូមិនប្រក្រតី គ្មានឯកសារចំនួន១៤គ្រឿង
ទីតាំង-ផ្ទះឈ្មោះ ហេង ឃុនទី ភេទប្រុស អាយុ៥២ឆ្នាំ រស់នៅភូមិ សង្កាត់ខាងលើ ដកហូតម៉ូតូគ្មានពន្ធនាំចូល ចំនួន១៤គ្រឿង និងម៉ូតូគ្មានឯកសារត្រឹមត្រូវ ចំនួន ១៤គ្រឿង។
ទីតាំង-ផ្ទះឈ្មោះ សេង ម៉ាឡែន ភេទស្រី អាយុ៣៥ឆ្នាំ រស់នៅភូមិ សង្កាត់ខាងលើ ដកហូតម៉ូតូគ្មានពន្ធនាំចូល ចំនួន ១០គ្រឿង។
ទីតាំង-ផ្ទះឈ្មោះ លឹម សំអុល ភេទប្រុស អាយុ៣៩ឆ្នាំរស់នៅភូមិ សង្កាត់ខាងលើ ដកហូតម៉ូតូគ្មានពន្ធនាំចូល ចំនួន ០២គ្រឿង។
បញ្ជាក់ ម៉ូតូទាំង៤០គ្រឿង ជាប្រភេទម៉ូតូចម្រុះមានថ្មី ចាស់ខ្លះ ដែលភាគច្រើនជាម៉ូតូដែលឈ្មួញនាំចូលមកតាមច្រក របៀងរត់ពន្ធនិងម៉ូតូមួយចំនួនអាចជាប់សង្ស័យជាម៉ូតូដែលជនល្មើសធ្វើសកម្មភាពលួចពីតំបន់ផ្សេងៗមក ទោះបីយ៉ាងជំនាញព្រហ្មទណ្ឌកំពុងតែពិនិត្យសាកសួរស្រាវជ្រាវបន្ថែមករណីខាងលើជំនាញកំពុងស្រាវជ្រាវ ដើម្បីកសាងសំណុំ រឿងចាត់ការតាមនីតិវិធីបន្ដ៕
មតិយោបល់