ភ្នំពេញ: បុរសម្នាក់ចេញពីផឹកស៊ីវិញស្រវឹងទោរទន់ បានបើករថយន្តឡិចស៊ិច៤៧០ក្នុងល្បឿនលឿនព្រមទាំងទាំងខ្វះការប្រុងប្រយត្ន័ បានជ្រុលទៅបុកនិងរថយន្តយីឌុបដឹកទំនិញចំពីក្រោយពេញទំហឹង បណ្តោយឲ្យរងការខូចខាតយ៉ាងដំណំ ។ចំនែកមនុស្សរងរបួសតិចតួច។
ហេតុការណ៍នេះដែរបានកើតឡើងនៅវេលាម៉ោង១០និង៣០នាទីយប់ ថ្ងៃទី៤ ខែមេសា ឆ្នាំ២០១៨ ចំណុចផ្លូវ២១៧កែងនិងផ្លូវ៣៧១ ភូមិម័ល សង្កាត់ដង្កោ ខណ្ឌដង្កោ រាជធានីភ្នំពេញ។
តាមប្រភពព័ត៌មាន ពីកន្លែងកើតបានឲ្យដឹងថា មុនពេលកើតហេតុ គេបានឃើញ បុរសម្នាក់ វ័យប្រហែលជាង៣០ឆ្នាំ បានបើករថយន្តប្រភេទយីឌុប ដឹកទំនិញ ម៉ាកហ៊ីយ៉ានដាយ ពណ៌ស ពាក់ស្លាកលេខ ព្រះសីហនុ 3A3945 បានធ្វើដំណើរតាមផ្លូវ ២១៧ ក្នុងទិសដៅ ពីត្បូងទៅជើង ខណ:មកដល់ចំណុចកើតហេតុ ផ្លូវបំបែកជាបួន រថយន្តបាន បន្ថយល្បឿនតិចៗ ស្របពេលនោះដែរ ក៍ស្រាប់តែបុរសម្នាក់ វ័យប្រហែលជាង៤០ឆ្នាំ មិនដឹងថាចេញពីផឹកស៊ីវិញនៅកន្លែងណានោះទេ គឺបានបើករថយន្តបង្កម៉ាកឡិចស៊ីស ៤៧០ពណ៌ស្ករ ពាក់ស្លាកលេខ ភ្នំពេញ 2N 0588 បានធ្វើដំណើរតាមផ្លូវ ២១៧ក្នុងទិសដៅ ស្របគ្នាព្រមទាំងល្បឿនលឿនផងនោះ បានជ្រុលទៅបុកនិងរថយន្ត ប្រភេទយីឌុបដឹកទំនិញ ពីក្រោយពេញទំហឹង បណ្តាលឲ្យ រថយន្តឡិចស៊ីស រងការខូចខាត ខ្ទេចខ្ទីផ្នែកខាងមុខ និងធ្វើឲ្យអ្នកបើក រងរបួសបែកក្បាល បន្តិចបន្តួច តែមិនបានទៅមន្ទីពេទ្យនោះទេ ។ ដោយឡែករថយន្តយីឌុប វិញរងការខូចខាត កាងខាងក្រោយ បន្តិចបន្តួច តែមិនមានគ្រោះថ្នាក់ដល់អ្នកបើកបររថយន្តនោះទេ ។
ក្រោយពេលកើតហេតុ សមត្ថកិច្ច ជំនាញខណ្ឌនិងក្រុងបានចុះទៅកន្លែងកើតហេតុ តែមិនបានឃាត់ បុរសដែរស្រវឹងទោរទន់ នោះទេ គឺឲ្យតំណាងភាគីទាំងសង្ខាងបាន ធ្វើការសម្របសម្រួល គឺបានសុំស្មើគ្នា ដោយយករថយន្តទៅជួសជួលរាងៗខ្លួន ។
ក្នុងករណីនេះដែរ បងប្អូនប្រជាពលរដ្ឋ ដែលឃើញហេតុការណ៍ បានធ្វើការរិះគន់ ទៅដល់សមត្ថកិច្ចជំនាញ់ក្រុង រឿងមិនឃាត់ខ្លួនបុរសដែលបើករថយន្ត ស្រវឹងបុកគេនោះ គឺទុកឲ្យបុរសរូបនោះដោះស្រាយដោយងាយស្រួលបែបនេះ ហើយពួកគាត់ បានស្នើសុំឈប់កុំឲ្យ សមត្ថកិច្ចធ្វើការ ត្រួតពិនិត្យជាតិស្រវឹងទៀតទៅ ពីព្រោះថា ករណីមនុស្សស្រវឹងបង្កគ្រោះថ្នាក់ចរាចរណ៍មិនព្រមឃាត់ បែរជានាំគ្នាឃាត់អ្នកដែរស្រវឹងដែលធ្វើដំណើរតាមផ្លូវ បន្តិចបន្តួចទៅវិញ៕
មតិយោបល់