ភ្នំពេញ: រថយន្តRange Rover មួយគ្រឿង កំពុងបើកបរ ខណ:មកដល់កន្លែងកើតហេតុ មានមនុស្សឆ្លងកាត់ផ្លូវ បានបន្ថយល្បឿនរថយន្តហុីយ៉ាន់ដាយ ប្រភេទកូរ៉េ បើកលឿនជ្រុលប៉ះពីក្រោយរងការខូចខាតទាំងសងខាង។

ហេតុការណ៍គ្រោះថ្នាក់ចរាចរណ៍ខាងលើនេះ បានកើតឡើងកាលពីវេលាម៉ោង១២ និង៣០នាទី ថ្ងៃត្រង់ទី៩ ខែមេសា ឆ្នាំ២០១៨ ស្ថិតតាមបណ្តោយផ្លូវជាតិលេខ៥ ភូមិផ្សារលិច សង្កាត់ព្រែកព្នៅ ខណ្ឌព្រែកព្នៅ រាជធានីភ្នំពេញ។ ទាំងអ្នកបើករថយន្តបង្ក និងអ្នកបើករថយន្តរងគ្រោះ មិនត្រូវបានបានស្គាល់ឈ្មោះនោះទេ។

រថយន្តបង្ក ម៉ាកហុីយ៉ាន់ដាយ ប្រភេទកូរ៉េ ពណ៌ស ពាក់ស្លាកលេខ ភ្នំពេញ 3D-4849 ដឹកអាគុយ ម៉ាកJP។

ចំណែករថយន្តរងគ្រោះម៉ាក Range Rover ពណ៌ស ពាក់ស្លាកលេខ ភ្នំពេញ 2AZ-6878។

ប្រភពពត៌មានពីកន្លែងកើតហេតុបានឲ្យដឹងថា នៅមុនពេលកើតហេតុ គេឃើញរថយន្តរងគ្រោះបើកក្នុងទិសដៅពីជើងទៅត្បូង ខណ:មកដល់ចំណុចកើតហេតុមានមនុស្សដើរឆ្លងកាត់ផ្លូវរថយន្តរងគ្រោះក៏បន្ថយល្បឿនដើម្បីឲ្យមនុស្សឆ្លងកាត់ស្រាប់តែមានរថយន្តបង្កខាងលើបើកពីក្រោយស្របទិសគ្នាជ្រុលទៅបុកពីក្រោយបណ្តាលឲ្យរងការខូចខាតទាំងសងខាងដោយរថយន្ត Range Rover រងគ្រោះក្រពឹតពីក្រោយផ្នែកខាងស្តាំ។ ចំណែករថយន្តបង្កម៉ាកហុីយ៉ាន់ដាយក្រពឹតខាងមុខបន្តិចបន្តួច។

ក្រោយពេលកើតហេតុភាគីទាំងសងខាងបានជជែករកដំណោះនៅកន្លែងដើម្បីបញ្ចប់រឿង៕