Post News Media ព័ត៌មានកីឡា Paris Saint G...

Paris Saint Germain ប្រជែងទិញខ្សែប្រយុទ្ធកំពុងឡើងជើង របស់ Liverpool

បន្ទាប់ពីការបែកធ្លាយ នូវពាក្យចរចាមអារាមជាច្រើន ទាក់ទងនឹងអនាគត់របស់ខ្សែ​ប្រយុទ្ធអន្តរជាតិប្រេស៊ីល Neymar នៃការចាកចេញពី ក្រុម Paris Saint Germain នោះ ក្លិបសេដ្ឋីបារាំងមួយនេះ បែរជាមិនចាប់អារម្មណ៍ឡើយ ហើយងាកមកតាមប្រមាញ់ ខ្សែប្រយុទ្ធមួយរូប កំពុងទទួលបានប្រជាប្រិយភាព យ៉ាងខ្លាំង នាពេលបច្ចុប្បន្ននេះវិញ។

ជាក់ស្តែងណាស់ បើតាមការចុះផ្សាយរបស់ Le10 Sports ពីប្រទេសបារាំង បានឲ្យដឹងថា ក្រុម Paris Saint Germain កំពុងតែចាប់អារម្មណ៍ចង់បាន ខ្សែ​ប្រយុទ្ធអេហ្ស៊ីប Mohamed Salah ពីក្រុមហង្សក្រហម Liverpool នៅរដូវកាលក្រោយនេះ។ Mohamed Salah កំពុងតែធ្វើឲ្យពិភពលោក មានការភ្ញាក់ផ្អើលយ៉ាងខ្លាំង ចំពោះសមត្ថភាពយ៉ាងល្អរបស់រូបគេ នារដូវកាលនេះ ជាមួយ Liverpool ជាហេតុធ្វើឲ្យក្លិបធំៗជាច្រើនកំពុងចាប់អារម្មណ៍ចង់បានយ៉ាង​ខ្លាំង។

យ៉ាងណាវិញ ក្រុម Paris Saint Germain ក៍មិនខុសពីក្រុមយក្សអឺរ៉ុប​ផ្សេងៗទៀតឡើយ សុទ្ធសឹង​តែចង់បាន Salah មកកាន់ក្លិបនៅរដូវកាលក្រោយ​នេះ។ ក្រុមយក្សបារាំងមួយនេះ អាចប្រឈមនឹងការបាត់បង់ Neymar ប្រសិនបើ ការរារាំងមិនបានសម្រេចទេនោះ ក៍ប៉ុន្តែ Paris Saint Germain និងព្យាយាមនាំ​យក​ Salah មកវិញ ហើយបើ Neymar មិនចាកចេញវិញនោះ នោះរឹតតែប្រសើរ សម្រាប់ក្រុមបារាំងមួយនេះ ខណ:តំបន់ប្រយុទ្ធ កាន់តែខ្លាំងក្លាជាក់ជាមិនខាន។

ថ្វីដ្បិត Paris Saint Germain ជាក្រុមសម្បូរលុយមែន តែមិនប្រាកដថាអាចនាំយក Mohamed Salah បានងាយស្រួលឡើយ ព្រោះថា Real Madrid ក៍មិនខ្វះលុយដែរ ម្យ៉ាងជាក្រុមយក្សនៅអឺរ៉ុប​ រាប់សតវត្សរ៍មកហើយ ព្រមទាំងមានប្រជាប្រិយភាពខ្លាំង ជាងក្រុម Paris Saint Germain ផងដែរ ខណ: Barcelona វិញក៍លេចពត៌មានល្ហេចល្ហៀងចង់បាន Mohamed Salah នៅរដូវកាលក្រោយនេះដែរ។