កំពង់ស្ពឺ: នៅវេលាម៉ោង ១២ និង២៥នាទីថ្ងៃត្រង់ថ្ងៃទី១៦ ខែមេសា ឆ្នាំ២០១៨ មានករណីគ្រោះថ្នាក់ចរាចរណ៍ រថយន្ត ប៉ះជាមួយនិងរថយន្ត នៅលើផ្លូវជាតិលេខ៤ KM ៣៧-៣៨ ត្រង់ចំណុចភូមិព្រៃផ្តៅ ឃុំត្រពាំងគង ស្រុកសំរោងទង។
រថយន្តម៉ាកហាយឡែនឌ័រ ពណ៌ទឹកប្រាក់ ពាក់ស្លាកលេខភ្នំពេញ 2AP-6050 អ្នកបើកបរឈ្មោះ សុផាត វាសនា ភេទប្រុស អាយុ ៤០ឆ្នាំ រស់នៅភូមិទ្រា ឃុំរកាជុនលឹង ស្រុកខ្សាច់កណ្តាល ខេត្តកណ្តាល រួមដំណើរមនុស្ស ២នាក់ ជាជនបរទេស ទី១.ឈ្មោះ ប៊ូត ស្ទេហ្វេនអាន់ដ្រ (BUDD STEPHEN ANDREW) ភេទប្រុស ឆ្នាំកំណើត ១៨-Dec-១៩៥៦ (ប្តី) និងម្នាក់ទៀតឈ្មោះ ប៊ូត ស៊ូសាន ម៉ារៀ(BUDD SUSAN MARIE)ភេទស្រី ឆ្នាំកំណើត ២៩-May-១៩៥៩ ជនជាតិ អូស្រ្តាលី មកដល់ចំណុចកើតហេតុបានបុកជាមួយរថយន្ត ១គ្រឿងម៉ាកហាយឡែនឌ័រដូចគ្នា ពណ៌ស្លែ ពាក់ស្លាកលេខភ្នំពេញ 2AN-6553 អ្នកបើកបរឈ្មោះ ហ៊ីម វិចិត្រ ភេទប្រុស អាយុ៣០ ឆ្នាំ ភូមិក្រាំងអំពៅ ឃុំសំណាក់ក្រម ស្រុកដងទុង ខេត្តកំពត រួមដំណើរមនុស្សម្នាក់ឈ្មោះ ស្វាយឯម ភេទស្រី អាយុ ៥៣ឆ្នាំ រស់នៅភូមិពេលញៀច២ ឃុំពេលញៀច ស្រុកសំពៅមាស ខេត្តពោធិ៍សាត់ បណ្តាលឲ្យរងរបួសស្រាលមនុស្សចំនួន៥នាក់ ត្រូវបានបញ្ជូនទៅព្យាបាល នៅពេទ្យសម្ភព អ៊ុសារ៉នកំពង់ស្ពឺ ចំណែករថយន្តរងការខូចខាតទាំងសងខាង។
បច្ចុប្បន្នវត្ថុតាងរថយន្តទាំង ២ គ្រឿង ត្រូវបានយកមករក្សាទុកនៅអធិការដ្ឋាន នគរបាលស្រុកសំរោងទង ដើម្បីរង់ចាំការដោះស្រាយនៅពេលក្រោយ៕
មតិយោបល់