ភ្នំពេញ: ហេតុការមួយដែលបង្កឲ្យមានការភ្ញាក់ផ្អើល កាលពីម៉ោង ៦និង៣០នាទីល្ងាចថ្ងៃទី១៧ខែមេសាឆ្នាំ២០១៨ ដែលទីតាំង ស្ថិតនៅភូមិចម្ការឪឡឹក២ សង្កាត់កាកាប២ ខណ្ឌពោធិ៍សែនជ័យ រាជធានីភ្នំពេញ។
ដោយបុរសម្នាក់ក្រោយពីបានលែងលះគ្នា ជាមួយប្រពន្ធអស់រយ:ពេលជាងមួយឆ្នាំ បានលបមកលួចចង.កសម្លាប់ខ្លួននៅក្នុងផ្ទះអតីតប្រពន្ធ ដែលជួលឲ្យគេ ក្នុងពេលដែលម្ចាស់ផ្ទះ(អ្នកជួល)មិននៅ។
តាមការបកស្រាយពី អ្នកជួលផ្ទះគាត់ បាននិយាយថា រូបគាត់បាន វិលមកពីលេងស្រុកវិញ ពេលមកដលមផ្ទះក៏បានចាក់សោរផ្ទះចូល ក៏ស្រាប់តែប្រទះឃើញសពខាងលើ ទើបភ័យស្លន់ស្លោ ស្រែកប្រាប់អ្នកជិតខាង និងរាយការណ៍ប្រាប់សមត្ថកិច្ចតែម្តង។
សពខាងលើមានឈ្មោះ អុត សាន អាយុ៥៤ឆ្នាំ រស់នៅ ភូមិ សង្កាត់កើតហេតុខាងលើ មានស្រុកកំណើតនៅខេត្តកំពង់ចាម និងប្រពន្ធឈ្មោះ សេង ស្រូយ អាយុ៥០ឆ្នាំ មានកូន៤នាក់ (ប្រុស២នាក់ ស្រី២នាក់) តែបានលែងលះជាមួយប្រពន្ធអស់រយ:ពេលជាងមួយឆ្នាំមកហើយ ក៏ដោយសារគាត់ជាមនុស្សញៀននឹងល្បែង។
តែទោះជាយ៉ាងណាក្តី សាច់ញាតិខាងអតីតខាងប្រពន្ធពុំទទួលស្គាល់ សាកសពបុរសខាងលើឡើយ ដោយសំអាងប្តីប្រពន្ធខាងលើបានលែងលះគ្នាដាច់ស្រេចយូរមកហើយ។
ក្រោយសមត្ថកិច្ចពិនិត្យកោសល្យវិច័យរួច ក៏បានស្រាវជ្រាវទំនាក់ទំនងទៅសាច់ញាតិ មកទទួលសាកសពដឹកយកទៅធ្វើបុណ្យតាមប្រពៃណី៕
មតិយោបល់