Post News Media ព័ត៌មានជាតិ រថយន្តកាម៉ារី...

រថយន្តកាម៉ារី បុករះម៉ូតូបីគ្រឿង របួសធ្ងន់ ៤ នាក់

បន្ទាយមានជ័យ: កាលពីវេលាម៉ោង ៧ និង ១៥នាទីថ្ងៃទី១៨ ខែមេសា ឆ្នាំ២០១៨ មានករណីគ្រោះថ្នាក់ចរាចរណ៍ រវាងរថយន្តបុករះម៉ូតូបីគ្រឿង បណ្ដាលឲ្យរបួសធ្ងន់ ៤ នាក់ នៅតាមបណ្ដោយជាតិលេខ៥៩ ចន្លោះបង្គោលគីឡូម៉ែត្រលេខ ១៥-១៦ ស្ថិតនៅភូមិ​អូរអំពិល ឃុំទួលពង្រ ស្រុកម៉ាឡៃ ខេត្ត បន្ទាយមានជ័យ។

រថយន្តម៉ាក កាម៉ារី ពណ៌​ស ពាក់ស្លាក​លេខភ្នំពេញ 2A-7501 បើកបរពីលិចទៅកើត (អ្នកបើកបររត់គេចខ្លួនបាត់) បានបុកម៉ូតូរះអស់ចំនួនបីគ្រឿង ដែលបើកបរពីកើតទៅលិច នៅផ្នែកខាងឆ្វេងនៃរថយន្ត។

ម៉ូតូ​ជនរងគ្រោះមានឈ្មោះ ដូច​ខាង​ក្រោម​៖
– ម៉ូតូម៉ាក ឃ្លីក ពណ៌​ស ខ្មៅ ស្លាក​លេខ បាត់​ដំបង 1U-5405 បើកបរពីកើតទៅលិច បើកបរដោយ​ឈ្មោះ សេង វុទ្ធី ភេទ​ប្រុស អាយុ​ ២៧ ឆ្នាំ​រស់នៅភូមិ​សាស្ដា ឃុំសាស្ដា ស្រុកសំពៅលូន ខេត្តបាត់ដំបង (រងរបួស​ធ្ងន់) និងរួមដំណើរពីរនាក់ឈ្មោះ ដូច​ខាង​ក្រោម​៖ ទី១.ឈ្មោះ សារ៉ាយ ភេទ​ប្រុស អាយុ​ប្រហែល ៣០​ឆ្នាំ រស់នៅភូមិ​ក្ដោរ ឃុំអូរស្រឡៅ​ស្រុកម៉ាឡៃ ខេត្ត​បន្ទាយមានជ័យ (រងរបួស​ធ្ងន់)​ និងទី២.ឈ្មោះ សាវាម ភេទ​ប្រុស អាយុ​៣៩ឆ្នាំ ជាជនជាតិ​ថៃ រងរបួស​ធ្ងន់​(ដាច់ជើង)។
– ម៉ូតូ ម៉ាក Heada Dream 2010 ពណ៌​ទឹកបិច (ខឿវចាស់) ស្លាក​លេខ បន្ទាយមានជ័យ​1C-8542 បើកបរដោយ​ជនមិនស្គាស់ឈ្មោះ បើកបរពីកើតទៅលិច​ និងអ្នក​រួម​ដំណើរ​ម្នាក់​ឈ្មោះ ជឿន ភេទ​ស្រី អាយុ​២៥ ឆ្នាំ​រស់នៅភូមិ​កោះស្នួល ​ឃុំទួលពង្រ ស្រុកម៉ាឡៃ ខេត្ត​បន្ទាយមានជ័យ (​រងរបួស​ធ្ងន់)។​
– ម៉ូតូ​ម៉ាក់​Heada Dream ពណ៌​ខ្មៅ ស្លាក​លេខ បន្ទាយមានជ័យ 1G-1895 សេរី ឆ្នាំ ២០១១ បើកបរពីកើតទៅលិច និងបើកបរដោយ​ឈ្មោះ ខឹត នូល ភេទ​ស្រី អាយុ ៤៥ឆ្នាំរស់នៅភូមិ​បន្ទាយទី១ ​ឃុំទួលពង្រ ស្រុកម៉ាឡៃ ខេត្ត​បន្ទាយមានជ័យ។

ក្រោយកើតហេតុសមត្ថកិច្ច បានចុះធ្វើការវាស់វែង និងយកវត្ថុតាងរថយន្ត និងម៉ូតូ ទៅរក្សាទុកនៅប៉ុស្តិ៍នគរបាល ដើម្បីរង់ចាំដោះស្រាយគ្នានៅពេលក្រោយ៕