ភ្នំពេញ: នៅថ្ងៃទី២២ ខែមេសា ឆ្នាំ២០១៨ អគ្គនាយកដ្ឋានអន្តោប្រវេសន៍ សហការជាមួយព្រះរាជអាជ្ញាអមសាលាដំបូងរាជធានីភ្នំពេញ និងសមត្ថកិច្ចស្នងការដ្ឋាននគរបាលរាជធានីភ្នំពេញ ចុះត្រួតពិនិត្យ ឆែកឆេរទីតាំងប្រព្រឹត្តបទល្មើសល្បែងអនឡាញ និងចាប់ជំរិតទារប្រាក់តាមប្រពន្ធ័អិនធឺណេត (VOIP) ដោយខុសច្បាប់ នៅទីតាំងដូចខាងក្រោម៖

ទី១ នៅខណ្ឌទួលគោក ឃាត់បានជនជាតិចិនចំនួន៧០នាក់ ក្នុងនោះមានស្រី៤នាក់
ទី២ នៅខណ្ឌសែនសុខ ចំនួន៤៩នាក់ ក្នុងនោះមានស្រី១៥នាក់។

សរុបរួមចំនួន១១៩នាក់ក្នុងនោះមានស្រី១៩នាក់ ហើយពេលត្រួតពិនិត្យមិនមានលិខិតឆ្លងដែនជាប់ខ្លួនទេ ត្រូវបានឃាត់នាំមកអគ្គនាយកដ្ឋានអន្តោប្រវេសន៍ ដើម្បីធ្វើការសាកសួរតាមនីតិវិធីច្បាប់បន្តទៀត៕