ភ្នំពេញៈ បុរស២នាកស្រវឹងបើករថយន្ដឡិចស៊ិសRX470 មួយគ្រឿងបើកបរ យ៉ាងលឿនហើយរេចង្កូតទៅបុកដើមឈើមួយដើមនៅជញ្ចរើមផ្លូវបាក់រលើងគុលទាំងឫស ហើយរថយន្ដក៏ទៅបុកម៉ូតូមួយគ្រឿងដែលចតនៅកន្លែងកើតហេតុ រួចរថយន្ដមិនទាន់អស់ល្បឿនក៏ទៅបុកជញ្ជាំងផ្ទះធ្លាយទៅមុខលែងរួច បង្កទៅមុខលែងរួច ហេតុការណ៍នេះកើតឡើងកាលពីវេលាម៉ោង១និង០០នាទីយប់រំលងអាធ្រាត្រ ឈានចូលថ្ងៃទី២១ ខែមិថុនា ឆ្នាំ២០១៦ មុខធនាគារហុងលីអុង នៅតាមផ្លូវលេខម៉ៅសេងទុង ស្ថិតក្នុងសង្កាត់ទួលស្វាយព្រៃ១ ខណ្ឌចំការមន។
តាមប្រភពព័ត៌មានបានឲ្យដឹងថា មុនពេលកើតហេតុ គេឃើញរថយន្ដឡិចស៊ិសRX470 មួយគ្រឿងពណ៌ស្ក ពាក់ស្លាកលេខភ្នំពេញ 2C-3322 បើកបរបុរស២នាក់បើកយ៉ាងលឿនក្នុងទិសដៅពីកើតទៅលិច ខណៈមកដល់ចំណុចកើតហេតុ រថយន្ដក៏រេចង្កូតទៅបុកដើមឈើមួយដើមនៅជញ្ជើមផ្លូវបាក់រលើងគុលទាំងឫស ហើយរថយន្ដក៏ទៅបុកម៉ូតូមួយគ្រឿងម៉ាកវីវាមួយគ្រឿងពណ៌ខ្មៅ ដែលចតនៅកន្លែងកើតហេតុរួចរថយន្ដមិនទាន់អស់ល្បឿនក៏ទៅបុកជញ្ជាំងផ្ទះធ្លាយទៅមុខលែងរួច។
ក្រោយពេលកើតហេតុ សមត្ថកិច្ចចុះមកដល់ចំណុចកើតហេតុធ្វើការវាស់វែងយករថយន្ដ និងម៉ូតូដែលខូចខាចទៅរក្សារទុកនៅការិយាល័យចរាចរណ៍ជើងគោករាជធានីភ្នំពេញ ដើម្បីធ្វើការដោះស្រាយនៅនៅពេលក្រោយ៕
មតិយោបល់