បាត់ដំបង: ​មានករណីអគ្គិភ័យមួយបានឆាបឆេះ ផ្ទះប្រជាពលរដ្ឋចំនួន៦ខ្នងយ៉ាងសន្ធោសន្ធៅ បណ្តាលឲ្យស្លាប់ម្នាក់ និងបំផ្លាញទ្រព្យសម្បត្តិអស់រាប់ម៉ឺនដុល្លារ។

ហេតុការណ៍នេះកើតឡើងនៅម៉ោង១០និង៤០នាទី ថ្ងៃទី៣០ ខែមេសា ឆ្នាំ២០១៨ នៅត្រង់ចំណុចក្រុមទី ២៩ ភូមិ ១៣ មករា សង្កាត់ព្រែកព្រះស្តេច ក្រុងបាត់ដំបង ខេត្តបាត់ដំបង។

អគ្គិភ័យនេះ បានឆាបឆេះឆេះអស់ចំនួន៦ខ្នង ស្លាប់មនុស្សម្នាក់ និង ខូចខាតសម្ភារ:អស់មួយចំនួន ហើយផ្ទះទាំង៦ខ្នងនោះរួមមាន៖

ទី១.ផ្ទះរបស់ឈ្មោះ ឆាង សារឿន ភេទប្រុស ផ្ទះលេខ ៤៧៤ ក្រុមទី ២៩ ភូមិ ១៣មករា ( ផ្ទះដើមហេតុ ), សម្ភារ:ខូចខាតរួមមាន ៖ ផ្ទះ១ខ្នង (សង់ផ្ទាល់ដី) ទំហំ៤ម៉ែត្រ × ២០ ម៉ែត្រ សង់អំពីឈើ ជញ្ជាំងក្តា ប្រកស័ង្គសី , ទូសម្អាង ២, ទូដាក់ខោអាវ ១, គ្រែដេក ២ ,ហង្សតេ ១ ,ទូរទស្សន៍ ១ និង សម្ភារ:មួយចំនួនទៀត ។ គិតជាប្រាក់ប្រហែល ១១,៣០០ ដុល្លារ។ មូលហេតុ៖ ឆ្លងចរន្តអគ្គីសនី ។

២ . ផ្ទះរបស់ឈ្មោះ លី ស៊ីញ ភេទប្រុស អាយុ២៥ឆ្នាំ នៅផ្ទះលេខ៤៧៥ ក្រុមទី២៩ ភូមិ១៣មករា ។ សម្ភារ:ខូចខាតរួមមាន៖ ផ្ទះ ១ខ្នង ទំហំ៤ម × ២០ម (ផ្ទាល់ដី) សង់អំពីឈើ ជញ្ជាំងក្តា ប្រក់ស័ង្គសី, ម៉ាស៊ីនបោះពុម្ពខ្នាតធំ ១គ្រឿង, ម៉ាស៊ីនបោះពុម្ពខ្នាតតូច ចំនួន ៣គឿង , ម៉ាស៊ីនត្រជាក់ចំនួន ១ គឿង ,ម៉ាស៊ីនបូមខ្យល់ចំនួន១គ្រឿង ,ទូរទឹកកក ចំនួន១គ្រឿង ,ម៉ាស៊ីនបោកខោអាវចំនួន១គឿង ,ទូរទស្សន៍១ គ្រឿង ,គ្រែដេក ៣ ,ទូរខោអាវ ៣ ,អាយផេត ២ គ្រឿង និង ទូរសព្ទដៃ ១ គ្រឿង។ សរុបជាប្រាក់ប្រហែល ២៨,៧០០ ដុល្លារ។ មូលហេតុ ៖ ឆេះឆ្លងពីផ្ទះ ឆាង សារឿន ។

៣. ផ្ទះរបស់ឈ្មោះ ឆុន សុភាព ភេទប្រុស អាយុ ៤៨ ឆ្នាំ នៅផ្ទះលេខ ៤៧៣ ក្រុមទី ២៩ ភូមិ ១៣មករា។ សម្ភារ:ខូចខាតរួមមាន ៖ ផ្ទះ ១ ខ្នង ( ផ្ទាល់ដី ) ទំហំ ៤ម × ២០ម សង់អំពីឈើ ជញ្ជាំងក្តា ប្រកស័ង្កសី, ម៉ាស៊ីនបោះពុម្ពខ្នាតធំ ១ គ្រឿង ,ម៉ាស៊ីនបោះពុម្ពខ្នាតតូច ១ គ្រឿង ។ គិតជាប្រាក់ប្រហែល ១៥,០០០ ដុល្លារ ។ មូលហេតុ៖ ឆេះឆ្លងពីផ្ទះ ឆាង សារឿន។ ផ្ទះនេះត្រូវបានជួលឲ្យឈ្មោះ ម៉ុង រិទ្ធី ភេទប្រុស អាយុ ២៩ ឆ្នាំ មុខរបរ រៀបចំពិធីការផ្សេង ៗ ស្នាក់នៅបណ្តោះអាសន្ន។ សម្ភារ:ខូចខាតរួមមាន ៖ ម៉ាស៊ីនបោកខោអាវ ១ គ្រឿង ,កុំព្យូទ័រ ១ គ្រឿង, កៅអីកាត់សក់ ១ ឈត់ , ខោអាវពិធីការ ១៤៥ អាវ, ទូរសព្ទដៃ ១ គ្រឿង ,ប្រាក់រៀល ចំនួន ៦៨ ម៉ឺនរៀល ។ សរុបជាប្រាក់៖ ប្រហែល ១៨ លានរៀល។

៤ . ផ្ទះរបស់ឈ្មោះ ម៉ាក់ ហ៊ាង ភេទប្រុស អាយុ ៦៥ ឆ្នាំ នៅផ្ទះលេខ ៤៧៦ ក្រុមទី ២៩ ភូមិ ១៣មករា ។ សម្ភារ:ខូចខាតរួមមាន និង ស្លាប់មនុស្សម្នាក់ ។ ជនរងគ្រោះ ឈ្មោះ គឹម សៀន ភេទ ស្រី អាយុ៦៣ ឆ្នាំ ( ត្រូវជាប្រពន្ធ ) ។ ផ្ទះផ្ទាល់ដីទំហំ៤ម × ២០ម សង់អំពីលើ ជញ្ជាំងក្តា ប្រក់ស័ង្កសី ,ម៉ូតូសេ១២៥ ស៊េរីឆ្នាំ២០១៥ចំនួន១គ្រឿង, ប្រាក់ខ្មែរ ១ លានរៀល,ប្រាក់ដុល្លារ ៥០០ ដុល្លារ, គ្រែដេក ២ ,សាឡុង ១ឈុត , ទូខោអាវ, ទូសំអាង ១, ទូរទស្សន៍ ១ គ្រឿង។ សរុបជាប្រាក់ ប្រហែល ៣០,០០០ ដុល្លារ ។ មូលហេតុ ភ្លើងឆេះឆ្លងពីផ្ទះ ឈ្មោះ លី ស៊ីញ ។ ជនរងគ្រោះដែលស្លាប់ ដោយសារនៅម្នាក់ឯង ហើយចាក់សោរផ្ទះពីខាងក្នុង។

៥ . ផ្ទះរបស់ឈ្មោះ លី សុខខេង ភេទស្រី អាយុ ៦០ឆ្នាំ នៅផ្ទះលេខ ៤៧៧ ក្រុមទី ២៩ ភូមិ ១៣មករា ។ សម្ភារ:ខូចខាតរួមមាន៖ ផ្ទះផ្ទាល់ដី ទំហំ ៤ ម× ២០ ម សង់អំពីឈើ ជញ្ជាំងក្តា ប្រកស័ង្កសី ,កុំព្យូទ័រ ១ គ្រឿង ,ទូរទឹកកក ១ គ្រឿង , ទូរទស្សន៍ ១ គ្រឿង, ខោអាវជជុះ ៣ ការុង, ប្រាក់ដុល្លារ ៥០០ ដុល្លារ ,គ្រែដេក ៣ ,ទូដាក់ចាន ១,ទូរសព្ទដៃ ១ គ្រឿង និង សម្ភារ:មួយចំនួនទៀត។ សរុបជាប្រាក់ ប្រហែល ៣៨,៤០០ ដុល្លារ ។ មូលហេតុ៖ ភ្លើងឆេះឆ្លងពីផ្ទះរបស់ឈ្នោះ ម៉ាក់ ហ៊ាង ។

និងទី៦ . ផ្ទះរបស់ឈ្មោះ ស៊្រុន វឿន ភេទប្រុស អាយុ ៤១ ឆ្នាំ នៅផ្ទះលេខ ៤៧៨ ក្រុមទី ២៩ ភូមិ ១៣មករា ។ សម្ភារ:ខូចខាតរួមមាន៖ ឆេះជញ្ជាំងផ្ទះមួយចំហៀង និង ខូចខាតក្នុងផ្ទះមួយចំនួន ។ គិតជាប្រាក់ ប្រហែល ១៥០០ ដុល្លារ។ មូលហេតុ ៖ ដោយភ្លើងឆេះឆ្លងពីផ្ទះរបស់ឈ្មោះ លី សុខេង៕