Post News Media ព័ត៌មានជាតិ ២ខែទើបបែកការណ...

២ខែទើបបែកការណ៍! ឃាត់ខ្លួនឪពុកចុង ក្រោយចាប់រំលោភកូនស្រី!..

រតនគិរី: កាលពីវេលាម៉ោង១១ ថ្ងៃទី១៥ ខែឧសភា ឆ្នាំ២០១៨ សមត្ថកិច្ចប៉ុស្តិ៍នគរបាលរដ្ឋបាលកាឡែង បានទទួលបណ្តឹងពីឈ្មោះ ជាំ ភេត ភេទប្រុស អាយុ៣៥ឆ្នាំ ជនជាតិទំពួន រស់នៅភូមិសាយ៉ស់ ឃុំកាឡែង ស្រុកលំផាត់ (ត្រូវជាអ៊ំបង្កើតរបស់ជនរងគ្រោះ)មកប្ដឹងរាយការណ៍ថា៖
នៅថ្ងៃទីខែ(មិនចាំប្រហែលពីរខែមុន) ឆ្នាំ២០១៨ នៅចំណុចផ្ទះឈ្មោះ ស្ខូ សាន់ដាន់ ស្ថិតក្នុងភូមិសាយ៉ស់ ឃុំកាឡែង ស្រុកលំផាត់ មានករណី រំលោភសេពសន្ថវ: មកលើក្មួយស្រីរបស់គាត់។

កុមារីរងគ្រោះឈ្មោះ ស.ស.ដ ភេទស្រី អាយុ៩ឆ្នាំ ជនជាតិទំពួន។ ចំណែកជនសង្ស័យឈ្មោះ ស៊ីណាត ខាក ភេទប្រុស អាយុ៣៦ឆ្នាំ ជនជាតិឡាវ មុខរបរ កសិករ(ត្រូវជាឪពុកចុងរបស់ជនរងគ្រោះ) អ្នកទាំង២ រស់នៅភូមិ ឃុំកើតហេតុខាងលើ។

បច្ចុប្បន្ន ជនសង្ស័យ សមត្ថកិច្ចបានឃាត់ខ្លួនជាបណ្ដោះអាសន្ននៅអធិការដ្ឋាននគរបាលស្រុកលំផាត់ ដើម្បីចាត់ការតាមនីតិវិធី៕

Loading...