Post News Media ព័ត៌មានជាតិ ចោរឆក់វ័យក្មេ...

ចោរឆក់វ័យក្មេង៤នាក់ ឆក់កាបូបរបស់ជនជាតិចិនដែលមានលុយជិត១ម៉ឺនដុល្លារបានសម្រេច តែគេចមិនរួចពីខ្នោះរបស់សមត្ថកិច្ច!

ព្រះសីហនុ: ជនសង្ស័យចំនួន៤នាក់ ត្រូវបានសមត្ថកិច្ចធ្វើការឃាត់ខ្លួន ក្រោយពីបានធ្វើសកម្មភាព​ឆក់កាបូបរបស់បុរសជនជាតិចិន កាលពីវេលាម៉ោង៨យប់ ថ្ងៃទី២៤ ខែឧសភា ឆ្នាំ២០១៨ ស្ថិតនៅចំណុចតំបន់​ឧត្តុនិយម​ នៅ​ភូមិ៣ សង្កាត់​លេខ ៣ ក្រុង-ខេត្តព្រះសីហនុ​ និងឃាត់ខ្លួនបានកាលពីវេលាម៉ោង១០និង៣០នាទីយប់ ថ្ងៃទី២៦ ខែឧសភា ឆ្នាំ២០១៨ ។

ក្នុង​កាបូប​នោះដែលជនសង្ស័យឆក់នោះ ​មាន​លុយ​ ជិត​១ម៉ឺនដុល្លារ ,លិខិតឆ្លងដែន១ច្បាប់ ,ទូរសព្ទដៃ១គ្រឿង ម៉ាក IPHONE 7 ពណ៌ផ្កាឈូក , ដុំសាកទូរសព្ទ​១ និង​កាត​ផ្សេង​ៗ​៥​សន្លឹក។

ជនសង្ស័យទាំង៤​នាក់ ទី១ ឈ្មោះ ខៃ ស៊ីង ភេទប្រុស អាយុ១៦ឆ្នាំ ជា​សិស្ស មានទីលំនៅ ក្រុម១១ ភូមិ៣ សង្កាត់​លេខ​៣ ក្រុង-ខេត្តព្រះសីហនុ (ជនដៃដល់) , ទី២ឈ្មោះ ស្រេង ដេវីត ភេទប្រុស អាយុ១៩ឆ្នាំ ជា​និស្សិត មានទីលំនៅក្រុម៨ ភូមិ៣ សង្កាត់​លេខ​៣ ក្រុង-ខេត្តព្រះសីហនុ (ជនដៃដល់ ជិះពីក្រោយ ) , ទី៣ឈ្មោះ មាស សម្បត្តិរតនា ភេទប្រុស អាយុ១៥ឆ្នាំ ជា​សិស្ស មានទីលំនៅភូមិ៣ សង្កាត់​លេខ​១ ក្រុង-ខេត្តព្រះសីហនុ (សមគំនិត ) និងជនសង្ស័យទី៤ឈ្មោះ ចេន ស៊ីវនេង ភេទប្រុស អាយុ១៥ឆ្នាំ​ សិស្ស មានទីលំនៅក្រុមទី១ ភូមិ១ សង្កាត់​លេខ​៣ ក្រុង-ខេត្តព្រះសីហនុ (សមគំនិត )។

ដកហូតបាន កាបូបពណ៌ខ្មៅ១ (ជា​របស់​ជន​រង​គ្រោះ)​, លិខិតឆ្លងដែន១ច្បាប់, កាត ៥សន្លឹក​ , ​លុយ១,២០០ដុល្លារ,​ ទូរសព្ទដៃ ១គ្រឿង ម៉ាក IPHONE7 ពណ៌ផ្កាឈូក ,​ម៉ូតូ១គ្រឿង ម៉ាក ហុងដាសេ១២៥ សេរ៊ីឆ្នាំ២០១៦ ពណ៌ខ្មៅ ស្លាកលេខ ព្រះសីហនុ 1F-1154 និងម៉ូតូ ហុងដាសេ​១២៥ សេរ៊ីឆ្នាំ២០១៨ ពណ៌ខ្មៅ គ្មានស្លាកលេខ (ជាផលនៃអំពើទុច្ចរិត យក​លុយ​ដែល​ឆក់​បាន​ទៅ​ទិញម៉ូតូ )៕