ប៉ៃលិនៈ ករណីគ្រោះថ្នាក់ចរាចរណ៍គួរឲ្យរន្ធត់មួយ បង្កឡើងដោយរថយន្តធុនធំ មួយគ្រឿង ព្រលះរថយន្តការីមួយគ្រឿងពេញទំហឹង បណ្តាលឲ្យមនុស្សរបួសធ្ងន់ម្នាក់ និងស្រាលម្នាក់ កាលពីវេលាម៉ោង១០:៣០នាទី ថ្ងៃទី២២ ខែមិថុនា ឆ្នាំ២០១៦ ចំណុចភូមិប៉ាងរលឹម សង្កាត់អូរតាវ៉ៅ ក្រុងប៉ៃលិន ខេត្តប៉ៃលិន។
ប្រភពឲ្យដឹងថា ហេតុការណ៍ខាងលើនេះ បង្កឡើងរវាងរថយន្តធុនធំ មួយគ្រឿង បុកជាមួយរថយន្តការីគូថហើម ពណ៌ស ពាក់ស្លាកលេខ ភ្នំពេញ2D-3155 ពេញទំហឹងលាន់ដូចរន្ទះ បណ្តាលឲ្យរងរបួសធ្ងន់ម្នាក់ និងស្រាលម្នាក់។គួរបញ្ជាក់ថា ហេតុការណ៍នេះ កើតឡើងដោយសារវ៉ាជែងគ្នាក្នុងតំបន់គ្រោះថ្នាក់។
បច្ចុប្បន្ន ជនរងគ្រោះត្រូវបានបញ្ជូនទៅកាន់មន្ទីរពេទ្យបង្អែកខេត្ត ចំណែកវត្ថុតាងយកមករក្សាទុកការិយាល័យចរាចរណ៍ផ្លូវគោក នៃស្នងការដ្ឋាននគរបាលខេត្តប៉ៃលិន ដើម្បីរងចាំការដោះស្រាយ៕
មតិយោបល់