ផ្ទះ ព័ត៌មានសិល្បៈ និងកម្សាន្ត អាថ៌កំបាំងក្រ...

អាថ៌កំបាំងក្រោមបាតសមុទ្រ Fernando តំបន់ប្រជុំកោះ Noronha ត្រូវលាតត្រដាង

0

បរទេស: សមុទ្រ Fernando តំបន់​ប្រជុំ​កោះ​ Noronha ​ត្រូវបានចាត់ចូលជា​តំបន់ទេសចរណ៍ ដ៏មានសក្កតានុពលបំផុត ប្រចាំប្រទេស​ប្រេស៊ីល និងគ្មានអាថ៌កំបាំងទៀតទេ ក្រោយ​ជាប់​ចំណាត់ថ្នាក់ នៃ​សម្បត្តិ​បេតិកភណ្ឌ​ពិភពលោក​ របស់​អង្គការ UNESCO ហេតុថា តំបន់​នេះ គឺ​ជា​ទីប្រជុំ​កោះ​ ចំនួន ២១កន្លែង និង​កោះ​តូច​ៗ ​ជា​ច្រើន​ទៀត ​នៅ​ក្នុង​មហា​សមុទ្រ​អាត្លង់ទិច កម្រនឹងមានក្នុងពិភពលោក។

តំបន់​សមុទ្រ Fernando នៃប្រជុំ​កោះ​ Noronha នេះ ​មាន​ទីតាំង​នៅ​ឆ្ងាយ​ពី​ឆ្នេរ​សមុទ្រ​ប្រទេស​ប្រេស៊ីល ​​ចម្ងាយ ៣៥៤​គីឡូម៉ែត្រ។ កោះ​ធំ​ជាង​គេ​ នៅ​ក្នុង​តំបន់​នេះ ​មាន​ក្រឡាផ្ទៃ ១៨, ៤គីឡូម៉ែត្រ​ការ៉េ និង​មាន​ប្រជាជន ៣.០១២នាក់។ ភ្ញៀវទេសចរជាតិ និងអន្តរជាតិ ​អាច​អញ្ជើញទៅ​កម្សាន្ត នៅសមុទ្រ Fernando តំបន់​ប្រជុំ​កោះ​ Noronha នេះ​បាន ​ដោយ​ធ្វើ​ដំណើរ​តាម​ជើងហោះហើរនានា ឬ​តាម​នាវា​ចេញ​ពី​តំបន់ Reciefe (ចម្ងាយ ៥៤៥គីឡូម៉ែត្រ) ឬ​ក៏​ជិះ​យន្ត​ហោះ​ ចេញ​ពី​តំបន់ Natal (ចម្ងាយ ៣៦០ គីឡូម៉ែត្រ)។

ប្រសិនបើលោកអ្នកចង់ទទួល​បាន​ នូវបទ​ពិសោធ​ពេញ​លេញ​ ក្នុង​ការ​ស្រូប​យក​ខ្យល់​បរិសុទ្ធ​ និង​សម្រស់​ធម្មជាតិ​ គួរ​ឲ្យ​ទាក់​ទាញ​​ នៅ​ក្នុង​តំបន់​ទេសចរណ៍ ​សមុទ្រ Fernando នៃប្រជុំ​កោះ​ Noronha អ្នក​ទេស​ចរ ​គួរ​តែ​ចំណាយ​ពេល​ស្នាក់​នៅ​ទី​នោះ​ យ៉ាង​តិច​ណាស់​រយ:​ពេល៥ ថ្ងៃ បង្ហួសទៅកម្សាន្តនៅលើឆ្នេរ​ខ្សាច់​នៃ​តំបន់​ទេសចរណ៍នេះ ចែក​ចេញ​ជា ​២​ផ្នែក​ គឺ​សមុទ្រ​ផ្នែក​ខាង​ក្នុង (Inside Sea) ឈ្មោះ​ថា Mar de Dentro និង​សមុទ្រ​ផ្នែក​ខាង​ក្រៅ (Outside Sea) មាន​ឈ្មោះ​ថា Mar de Fora។ បន្ថែម​លើ​នេះ​ទៀត ទីរមណីយដ្ឋានធម្មជាតិនេះ ត្រូវបានក្លាយ​ជា​តំបន់​ពេញ​និយម​មួយ ​សម្រាប់​ការ​ជិះ​ស្គី​​ប្រឡែង​ជាមួយ​ទឹក​រលក (surfing) និងច្រមុជទឹកចុះចូលមើលអាថ៌កំបាំង នៃជីវិតសត្វ និងរុក្ខជាតិ ក្រោមបាតសមុទ្រ ចន្លោះ​ខែ​វិច្ឆិកា ដល់​ខែមេសា ​នៅ​ពេល​ដែល​រដូវ​ធ្លាក់​ខ្យល់​ ឈានចូល​មក​ដល់។

គួរបញ្ជាក់ថា ភ្ញៀវ​ទេស​ចរ​គ្រប់​រូប ​ត្រូវ​ចំណាយ​ប្រាក់​​ក្នុង​ការ​បង់​ថ្លៃ​ សេវាអភិរក្ស​បរិស្ថាន​ នៅ​​ពេល​ណា​អ្នក​ទៅ​ដល់​ វិទ្យាស្ថាន​ធនធាន​ធម្មជាតិ​កើត​ឡើង​វិញ និង​បរិស្ថាន ( Institute of Environment and Renewable Natural Resources) ឈ្មោះ​ថា Ibama ផងដែរ៕

Loading...