Post News Media ព័ត៌មានជាតិ សាហាវ! រថយន្ដ...

សាហាវ! រថយន្ដ​ដឹក​ប្រេង​ឥន្ធន:Ptt​ បុកជាមួយ​រថយន្ត​សណ្ដោង​រឺម៉ក​ ​ដឹកទំនិញ ខ្ទេចក្រឡាប់ផ្ងារជើង!

កំពង់ស្ពឺ: នៅវេលាម៉ោង៨និង៤៦នាទី​យប់ ថ្ងៃទី៥ ខែមិថុនា ឆ្នាំ២០១៨ លើផ្លូវជាតិលេខ៤ ចន្លោះគីឡូម៉ែត្រលេខ ៣៨-៣៩ ត្រង់ចំណុចភូមិស្លា ឃុំវល្លិសរ ស្រុកសំរោងទង ខេត្តកំពង់ស្ពឺ មានករណីគ្រោះថ្នាក់ចរាចរណ៍មួយបានកើតឡើង រវាងរថយន្តដឹក​ប្រេង​ឥន្ធន:​ ជាមួយ​រថយន្ត​សណ្ដោង​រឺម៉ក​ ​ដឹកទំនិញ បណ្តាលឲ្យខ្ទេចទាំងខាង និងក្រឡាប់ផ្ងារជើង។

សមត្ថកិច្ចបានឲ្យដឹងថា ករណីនេះកើតឡើងរវាងរថយន្តម៉ាកហ៊ីយ៉ាន់ដាយ ពណ៌ស ពាក់ស្លាកលេខ​ ភ្នំពេញ 3D-4681 សណ្តោងស៊ីទែនប្រេង ពាក់ផ្លាកលេខភ្នំពេញ 4A-19​24 បើកបរពីលិចទៅកើត មកដល់ចំណុចខាងលើ បាន​ប៉ះជាមួយរថយន្ត ម៉ាកហ៊ីយ៉ាន់ដាយ ពណ៌ឈាមជ្រូក ពាក់ស្លាកលេខ ព្រះសីហនុ 3Q-4681 សណ្តោងរ៉ឺម៉ក​ ពាក់ស្លាកលេខ 4A-1910 បើកបញ្ច្រាសទិសគ្នា ពេញទំហឹង បណ្តាលឲ្យអ្នកបើកបរ​រថយន្តទាំង២ រងរបួសធ្ងន់ ត្រូវ​បានសមត្ថកិច្ចបញ្ជូនទៅពេទ្យសម្ភព អ៊ុសារ៉នសង្រ្គោះ​​ ។ ចំណែករថយន្តខូចខាតយ៉ាងធ្ងន់ធ្ងរ និងបណ្ដាលឲ្យកកស្ទះចរាចរណ៍ដល់ម៉ោង១យប់ ឈានចូលថ្ងៃទី៦ ខែមិថុនា ទើបធើ្វចរាចណ៍បានធម្មតាវិញ ។

ក្នុងករណីនេះ ត្រូវបានជួយអន្តរាគមន៍ ដោយរថយន្តអគ្គិភ័យចំនួន​២គ្រឿង​ របស់ស្នងការ​ដ្ឋាន​នគរបាល​ខេត្ដកំពង់ស្ពឺ ធើ្វការបាញ់ទឹកលាងសំអាតប្រេងហៀរលើផ្លូវជាតិ​ អស់ចំនួន​៤ឡានផងដែរ។ ចំណែករថយន្តទាំង២គ្រឿង ត្រូវបានសមត្ថកិច្ចវាស់វែងយកមករក្សារទុកនៅអធិការដ្ឋាន​ស្រុកសំរោងទង​ រង់ចាំ​កសាងសំណុំរឿង​ចាត់ការតាមនីតិវិធី​ច្បាប់បន្តទៀត៕

Loading...