ទីក្រុង Ankara ( 16/09/13 ) : លោកអនុប្រធានាធិបតីតួគីលោក Bulent Arinc បាននិយាយកាលពីថ្ងៃច័ន្ទម្សិលមិញឲ្យដឹងថា យន្តហោះប្រយុទ្ធរបស់តួគីបានបាញ់ទម្លាក់ឧទ្ធម្ភាចក្រមួយគ្រឿងរបស់ស៊ីរីដែលត្រូវបានចោទថាបានរំលោភលើអធិបតេយ្យភាពរបស់ខ្លួន។
លោក Arinc បាននិយាយប្រាប់អ្នកកាសែតថាឧទ្ធម្ភាគចក្រមួយដែលជាប្រភេទ MI-17 របស់ប្រទេសស៊ីរីបានហោះរំលងលើអធិបតេយ្យភាពទឹកដីរបស់តួគីនៅតំបន់ក្បែរព្រំដែន Guvecci នៃខេត្ត Hatay ប្រមាណ 2 គីឡូម៉ែតដែលជាហេតុធ្វើឲ្យខ្លួនសម្រេចចិត្តបាញ់ទម្លាក់តែម្តង។ប្រភេទឧទ្ធម្ភាគចក្រ MI-17 របស់ស៊ីរីដែលបំពាក់ទៅដោយគ្រាប់មីស៊ីលផងត្រូវបានកងទ័ពតួគីព្រមានជាច្រើនដងមុននឹងបាញ់ទម្លាក់នៅពេលដែលយន្តហោះឃ្លាំពីរគ្រឿងរបស់តួគីបានពើបប្រទះឃើញ។
ភាគីខាងតួគីបានបញ្ជាក់ថាខ្លួននឹងយករឿងរ៉ាវទាំងអស់ទៅរាយការណ៍ដល់យូអិននិងអង្គការណាតូនៅខណៈដែលភាគីខាងស៊ីរីនៅមិនទាន់មានការបកស្រាយណាមួយនៅឡើយចំពោះករណីនេះ៕
https://i1272.photobucket.com/albums/y389/domneng/Air/Turkey3_zps784090b5.jpg
https://i1272.photobucket.com/albums/y389/domneng/Air/Turkey2_zps002d19f3.jpg
https://i1272.photobucket.com/albums/y389/domneng/Air/Turkey1_zps38df8880.jpg
មតិយោបល់