បន្ទាយមានជ័យ: កាលពីវេលាចន្លោះម៉ោង ៣ និង៣០នាទីរសៀល ដល់ម៉ោង ៧ និង៣០នាទីយប់ថ្ងៃទី៦ ខែមិថុនា ឆ្នាំ២០១៨ មានករណីក្មេងចំនួន៣នាក់ បានលង់ទឹកស្ទឹងស្លាប់ ស្ថិតក្នុចំណុចស្ពានរថភ្លើងភូមិគោកស្វាយ ឃុំឬស្សីក្រោក ស្រុកមង្គលបូរី។
ក្មេងរគ្រោះទាំងបីនាក់៖ ទី១.ឈ្មោះ ខុម ធារ៉ា ហៅមៀវ ភេទប្រុស អាយុ៧ឆ្នាំ ទី២.ឈ្មោះ សាវី ឌីម៉ង់ ភេទប្រុស អាយុ៧ឆ្នាំ ទី៣.ឈ្មោះ ខុម វ៉ាន់កន ភេទប្រុសអាយុ ៧ឆ្នាំ។
តាមសមត្ថកិច្ច បានឲ្យដឹងថា ក្មេងទាំងបីនាំគ្នាដើរឆ្លងស្ពានរថភ្លើង ទៅត្រើយម្ខាងហើយស្រាតខោអាវទុក នៅមាត់ច្រាំង ដើម្បីចុះងូតទឹកស្ទឹង តែជាអកុសលក៏ត្រូវលង់ទឹកស្លាប់ទាំងបីនាក់តែម្ដង។
ជនរងគ្រោះជាបងប្អូនជីដូនមួយនិងគ្នា ចំណែកឪពុកម្តាយ បានទៅរកស៊ីនៅប្រទេសថៃ ដោយពួកគេបានរស់នៅជាមួយតា ឈ្មោះ ហុង សុខុម អាយុ៦៨ឆ្នាំ និងយាយ ឈ្មោះ មុត ហម អាយុ៦៥ឆ្នាំ នៅភូមិកោះកែវ ឃុំឬស្សីក្រោក ស្រុកមង្គលបូរី៕
មតិយោបល់