Post News Media ព័ត៌មានជាតិ ករណីឃាតកម្មដ៏...

ករណីឃាតកម្មដ៏រន្ធត់! ជនសង្ស័យយកពូថៅ កាប់ប្រហារលើជនរងគ្រោះ ស្លាប់ និងរបួស ៣នាក់

ប៉ៃលិន: កាលពីវេលាម៉ោង​៦ និង៣០​ នាទី​ព្រឹក​​ថ្ងៃទី​១០​ ខែមិថុនា​ ឆ្នាំ​២០១៨​ មាន​ករណី​អំពើ​ឃាតកម្ម​មួយ កើតទ្បើងនៅក្នុងភូមិដីស​ ឃុំស្ទឹងត្រង់​ ស្រុកសាលាក្រៅ​ ខេត្តប៉ៃលិន​ បណ្ដាលឲ្យមនុស្ស​ម្នាក់ស្លាប់​ និង​២នាក់ទៀត​រង​របួស​។

​ជនរងគ្រោះទាំងបីនាក់៖ ទី១-ឈ្មោះ​ សុខ​ ស្រីម​ ភេទ​ស្រី​ អាយុ​ ៥៥ឆ្នាំ​ ត្រូវ​ជា​ម្ដាយ​បង្កើត​ បាន​ស្លាប់​បាត់បង់​ជីវិត​ ទី២-​ឈ្មោះ​ ធុង​ ថូ​ ភេទប្រុស​ អាយុ​ ២៤ឆ្នាំ​ របួស​ក្បាល​ ត្រូវ​ជា​ប្អូន​របស់​ជនដៃដល់ និងទី៣-ឈ្មោះ​ ធុង​ សារី​ ភេទ​ស្រី​ អាយុ​ ២០ឆ្នាំ​ របួស​ក្បាល​ផ្នែក​ខាងក្រោយ​។

ចំណែកជនដៃដល់​ឈ្មោះ​ ធុង​ នាង​ ភេទប្រុស​ អាយុ​ ៣១ឆ្នាំ​ ត្រូវ​ជា​កូនបង្កើត​របស់​ជនរងគ្រោះ​ អ្នក​ទាំង​៤រស់​នៅភូមិឃុំកើតហេតុខាងលើ។

បច្ចុប្បន្ន​ជនដៃដល់​ ត្រូវបានបញ្ចូនទៅ​អធិការដ្ឋាន​នគរបាល​ស្រុកសាលាក្រៅ​ ដើម្បី​កសាង​សំណុំ​រឿង ​ចាត់ការ​ទៅតាម​នីតិវិធី​ច្បាប់​ ចំណែក​សព​ជនរងគ្រោះ ​ត្រូវ​បាន​ក្រុម​គ្រួសារ​យកទៅ​ធ្វើ​បុណ្យ​តាម​ប្រពៃណី​៕

Loading...