ព័ត៌មានជាតិ

ឌ្រីមសង់​​ ពន្លះសាំយ៉ុង ​​របួស​ធ្ងន់​២​នាក់​​ នៅ​ព្រៃវែង​

ព្រៃវែង: កាលពី​វេលា​ម៉ោង​ ៨ និង១០នាទី​ព្រឹកថ្ងៃ​ទី​ ១០ ខែមិថុនា ឆ្នាំ២០១៨ មានករណីគ្រោះថ្នាក់ចរាចរណ៍មួយ រវាងរថយន្ត និងម៉ូតូ បណ្ដាលឲ្យមនុស្សពីរនាក់រងរបួស លើ​ផ្លូវ​ជាតិ​លេខ​ ៨ ចន្លោះ​គីឡូម៉ែត្រ​ ៧៤ -៧៥ ចំណុច​ភូមិគ្រួស​ ឃុំព្រៃព្នៅ ស្រុកពារាំង ​ខេត្ត​ព្រៃវែង។

​ម៉ូតូម៉ាក C125 ពណ៌ខ្មៅ ពាក់ស្លាក​លេខ ព្រៃវែង 1C-0567 បើកបរដោយ​ឈ្មោះ វៃ ស្រីនួន ភេទស្រី អាយុ ​១៦ឆ្នាំ និងរួម​ដំណើរ​ឈ្មោះ ណាំ នាថ ភេទ​ស្រី​ អាយុ១៦ឆ្នាំ អ្នកទាំងពីរ រស់នៅភូមិគ្រួស ឃុំព្រៃព្នៅ ស្រុកពារាំង​ បាន​បើក​បរ​អត់ពាក់​មួក​សុវត្តិភាព​ ​ដោយ​ធ្វើ​ដំណើរពី​ត្បូង​មក​ជើង មក​ដល់​ចំណុច​កើត​ហេតុ​ ម៉ូតូជិះបម្រុង​បត់​ស្តាំ ​តែ​បាន​ជ្រុលចង្កូត​ឆ្លង​គន្លង​ផ្លូវ​ហួស ក៏ទៅ​បុក​រថយន្ត១គ្រឿង ម៉ាកសាំយ៉ុង ពណ៌ស្លែ ពាក់ស្លាកលេខ ភ្នំពេញ 2AN-1896 ​ដែល​បើកបរ ដោយម្ចាស់​មិន​ស្គាល់​អត្តសញ្ញាណ (រត់គេចខ្លួនបាត់) ធ្វើ​ដំណើរ​ពី​កើតមកលិច តាម​បណ្តោយផ្លូវជាតិលេខ៨ បណ្តាល​ឲ្យ​អ្នក​បើក​បរម៉ូតូ និង​អ្នករួម​ដំណើរ​ រង​របួស​ទាំង២នាក់។

បច្ចុប្បន្នវត្ថុ​តាង ​​ត្រូវ​សមត្ថកិច្ចយក​មក​រក្សា​ទុក​នៅ​អធិការ​ដ្ឋាន​នគរបាល​ស្រុកពារាំង ​ដើម្បី​កសាង​សំណុំ​រឿង​​ និង​ចាត់ការតាម​នីតិវិធី។ រីឯជនរងគ្រោះ ​​ត្រូវ​បញ្ជូន​ទៅ​មន្ទីរ
ពេទ្យភ្នំពេញ៕

មតិយោបល់