Post News Media ព័ត៌មានជាតិ តុលាការ ផ្ដន្...

តុលាការ ផ្ដន្ទាទោសស្ត្រីវេណេហ្ស៊ុយអេឡា ម្នាក់ ដាក់ពន្ធនាគារ ៣០ឆ្នាំក្នុង រឿងដឹកគ្រឿងញៀន ជិត២គីឡូ ចូលកម្ពុជា

ភ្នំពេញ: នៅព្រឹកថ្ងៃទី១៤ ខែមិថុនា ឆ្នាំ២០១៨នេះ លោក ធាម ច័ន្ទពិសិដ្ឋ ប្រធានក្រុមប្រឹក្សាចៅក្រមជំនុំជម្រះ នៃសាលាដំបូងរាជធានីភ្នំពេញ
បានបើកសវនាការប្រកាសសាលក្រមសម្រេចផ្ដន្ទាទោសជនជាប់ចោទឈ្មោះ NEILIN COROMOTO ភេទស្រី អាយុ​២៨​ឆ្នាំ ជនជាតិ​ វេ​ណេហ៊្សុយ​អេ​ឡា ជា​អ្នក​ទេសចរណ៍ កាន់​លិខិតឆ្លងដែន​លេខ 121100315 ដាក់ពន្ធនាគារកំណត់រយ:ពេល ៣០ឆ្នាំ ពីបទ រក្សាទុក ដឹកជញ្ជូននូវសារធាតុញៀនដោយខុសច្បាប់ យោងតាមមាត្រា ៤០នៃច្បាប់ស្ដីពី ការត្រួតពិនិត្យគ្រឿងញៀន។

គួររំលឹកថា សមត្ថកិច្ចកម្ពុជា បានឃាត់ខ្លួនជនជាប់ចោទខាងលើ កាលពីយប់ថ្ងៃទី៦ ខែកុម្ភ: ឆ្នាំ២០១៧ ក្នុងព្រលានយន្តហោះអន្តរជាតិភ្នំពេញ ខណ:នាងធ្វើដំណើរតាមយន្តហោះមកពីប្រទេសថៃ។

នៅពេលឃាត់ខ្លួន សមត្ថកិច្ចបានដកហូត ​គ្រឿងញៀន​ប្រភេទ​កូកាអ៊ីន​ ចំនួន​ ១៧៩,១២៣​ក្រាម​ ដែលបង្កប់ក្នុង​ឡេវអាវ​រាប់រយ​គ្រាប់​ក្នុង​កាបូប​ដាក់​ខោអាវ​ធំ​៕

Loading...