Post News Media ព័ត៌មានជាតិ ​ម៉ូតូកង់បីបុ...

​ម៉ូតូកង់បីបុកម៉ូតូ ស្លាប់ម្តាយកូន២នាក់ នៅស្រុកសាលាក្រៅ!

ប៉ៃលិន: កាលពីវេលាម៉ោង៨យប់ ថ្ងៃច័ន្ទ ០៦កើត ខែបឋមាសាឍ ឆ្នាំច សំរឹទ្ធិស័ក ព.ស២៥៦២ ត្រូវនឹងថ្ងៃទី១៨ ខែមិថុនា ឆ្នាំ២០១៨ មានករណីគ្រោះថ្នាក់ចរាចរណ៍មួយកើតឡើងរវាងម៉ូតូ និងម៉ូតូកង់បី ស្ថិតនៅភូមិរថក្រោះឆេះ ឃុំស្ទឹងកាច់ ស្រុកសាលាក្រៅ ខេត្តប៉ៃលិន បណ្ដាលឲ្យមនុស្ស២នាក់ស្លាប់។

ជនរងគ្រោះឈ្មោះ ណាត ស្រីដា ភេទស្រី អាយុ ២២ឆ្នាំ បានស្លាប់បាត់បង់ជីវិត និងទី២ឈ្មោះ រិន បុស្បា ភេទស្រី អាយុ៣ឆ្នាំ កូនបង្កើតស្លាប់បាត់បង់ជីវិតពេលបញ្ជូនទៅដល់មន្ទីរពេទ្យខេត្តបាត់ដំបង។ ទី៣-ឈ្មោះ រិន ពិសី ភេទស្រី អាយុ៧ឆ្នាំ កូនបង្កើត និងឈ្មោះ តេន ភារម្យ អាយុ៣៦ឆ្នាំ ត្រូវជាប្ដី និងជាឪពុកជនរងគ្រោះ។ ជនរងគ្រោះទាំង៤នាក់ រស់នៅភូមិអូរឈើក្រំ ឃុំស្ទឹងកាច់ ស្រុកសាលាក្រៅ ខេត្តប៉ៃលិន។
ចំណែកឯភាគីខាងម៉ូតូកង់បីមានគ្នា២នាក់ មិនស្គាល់អត្តសញ្ញាណបានរត់គេចខ្លួនបាត់បន្សល់ទុកវត្ថុតាងនៅនឹងកន្លែងកើតហេតុ។

មូលហេតុ បណ្ដាលមកពីម៉ូតូកង់បីបុកពីក្រោយម៉ូតូជនរងគ្រោះពេញទំហឹង។
បច្ចុប្បន្នវត្ថុតាងត្រូវបានយកមករក្សាទុកនៅអធិការដ្ឋាននគរបាលស្រុកសាលាក្រៅ ដើម្បីរង់ចាំធ្វើការដោះស្រាយ៕

Loading...