Post News Media ព័ត៌មានសុខភាព មិននឹកស្មានសោ...

មិននឹកស្មានសោះ! ទទួលទានខ្នុរមិនត្រឹមត្រូវក៏មានគ្រោះថ្នាក់ដែរ

ខ្នុរត្រូវបានគេរកឃើញថា មានផ្ទុកវីតាមីន C ដ៏សម្បូរបែប ដែលអាចជួយបង្កើនប្រព័ន្ធភាពស៊ាំយ៉ាងមានប្រសិទ្ធភាព។ ក្រៅពីវីតាមីន C ខ្នុរក៏មានសារធាតុចិញ្ចឹម ដែលអាចប្រឆាំងនឹងជំងឺមហារីក ព្រមទាំងកាត់បន្ថយភាពចាស់ផងដែរ។

ចំណែកឯវីតាមីន A មានប្រសិទ្ធភាពខ្ពស់ក្នុងការរក្សាសុខភាពភ្នែក និងស្បែកឲ្យមានសុខភាពល្អ។ ជាពិសេស សារធាតុប៉ូតាស្យូមល្អសម្រាប់បេះដូង ហើយម៉ាញ៉េស្យូម វិញជួយពង្រឹងឆ្អឹងឲ្យកាន់តែរឹងមាំ។

ប៉ុន្តែ តើអ្នកដឹងទេ ការញ៉ាំផ្លែឈើមួយប្រភេទនេះមិនបានត្រឹមត្រូវអាចបង្កឲ្យមានផលប៉ះពាល់អ្វីខ្លះ?

ការទទួលទានផ្លែខ្នុរច្រើនពេកនៅក្នុងរដូវក្តៅ មិនត្រឹមតែធ្វើឲ្យសីតុណ្ហភាពក្នុងរាងកាយកើនឡើងប៉ុណ្ណោះទេ វាក៏អាចបង្កឲ្យមានជំងឺជាច្រើនដែរ។
អ្នកត្រូវដឹងថា ផ្លែឈើមួយប្រភេទនេះមានផ្ទុកជាតិស្ករច្រើន ដែលអាចបណ្តោលឲ្យក្លុយកូសក្នុងឈាមកើនឡើងភ្លាមៗ នៅពេលដែលអ្នកបរិភោគច្រើននាំឲ្យមានអាការ:វិលមុខ។

ប្រសិនបើអ្នកញ៉ាំច្រើន អ្នកច្បាស់ជាមានអារម្មណ៍ថា ក្តៅក្នុងខ្លួន ហើយចំពោះអ្នកដែលមានបញ្ហាឈាម ជំងឺទឹកនោមផ្អែម ជំងឺធាត់លើសទម្ងន់ មិនគួរញ៉ាំច្រើនពេកនោះទេ។

ដូច្នេះដើម្បីជៀសវាងផលប៉ះពាល់ អ្នកគួរតែអនុវត្តតាមវិធីសាស្ត្រមួយចំនួនដូចខាងក្រោម៖
១.ក្នុងមួយថ្ងៃ អ្នកគួរទទួលទានត្រឹមតែ ៨០ ទៅ ១០០ក្រាមបានហើយ។
២.មិនគួរបរិភោគពេលពោះទទេ ឬពេលល្ងាចនោះទេ។
៣.ចំពោះអ្នកដែលមានអាការក្តៅខ្លួន កើតមុន នៅពេលទទួលទានផ្លែខ្នុរ គួរតែទទួលទានទឹកឲ្យបានច្រើន។
៤.អ្នកដែលមានជំងឺខ្លាញ់រុំថ្លើម ជំងឺទឹកនោមផ្អែម ខ្សោយតម្រងនោមរ៉ាំរ៉ៃ ឬសុខភាពមិនល្អ ពុំគួរបរិភោគឡើយ។
៥.សម្រាប់អ្នកដែលមានជំងឺរ៉ាំរ៉ៃ គួរតែទទួលទានត្រឹម ៣ទៅ៤ក្លែបបានហើយ។

ដកស្រង់ពី៖ soha