ផ្ទះ ព័ត៌មានជាតិ តាអាយុ ៧៥ឆ្នា...

តាអាយុ ៧៥ឆ្នាំម្នាក់ ដែលក្លែងខ្លួនធ្វើជាសង្ឃ ត្រូវសមត្ថកិច្ចឃាត់ខ្លួន

0

ពោធិ៍សាត់: កាលពីវេលាម៉ោង៤រសៀល ថ្ងៃទី២២ ខែមិថុនា ឆ្នាំ២០១៦ កម្លាំងមន្ទីរយុត្តិធម៌កងរាជអាវុធហត្ថខេត្តពោធិ៍សាត់ បានសហការណ៍ជាមួយ មន្ទីរធម្មការ និងសាសនាខេត្ត និងស្នងការនគរបាលខេត្ត បានឃាត់ខ្លួនបុរសម្នាក់ដែលក្លែងខ្លួនធ្វើជាសង្ឃទៅចំណុចភ្នំទំព័រ ភូមិទំព័រ ឃុំប្រម៉ោយ ស្រុកវាលវែង ខេត្តពោធិ៍សាត់។

បើតាមសេចក្តីរាយការណ៍បានឲ្យដឹងថា បុរសដែលត្រូវឃាត់ខ្លួននោះ មានឈ្មោះ សម្ប: អាយុ ៧៥ឆ្នាំ ភេទប្រុស ជនជាតិខ្មែរ រស់នៅចំណុចភូមិទំព័រ ឃុំប្រម៉ោយ ស្រុកវាលវែង ខេត្តពោធិ៍សាត់។ សេចក្តីរាយការណ៍បានបន្តទៀតថា កម្លាំងបានធ្វើការចាប់យកវត្ថុតាងមួយចំនួនរួមមាន ០១. ប្រាក់រៀលចំនួន ៥៦១.០០០រៀល, ០២. ប្រាក់ដុល្លា ៥៦១ដុល្លា, ០៣. ស្បង់ចីពរ០១សម្រាប់, ០៤. ម៉េម៉ូរីចំនួន០៤, ពិលចំនួន០១ និងឯកសារមួយចំនួន។

បច្ចុប្បន្នកម្លាំងអាវុធហត្ថខេត្តពោធិ៍សាត់ កំពុងកសាងសំណុំរឿងដើម្បីបញ្ចូនបន្តតាមនីតិវិធី៕

Loading...