ព័ត៌មានជាតិ

សាហាវណាស់! បុរសម្នាក់ យកខ្សែ​អង្រឹង​រឹត​.ក​ប្រពន្ធចុងរហូតដល់ស្លាប់ រួចយកសពទៅកប់ចោល

កំពង់ធំ: កម្លាំង​សមត្ថកិច្ច​នគរបាលស្រុក​សណ្តាន់ កាលពីថ្ងៃ​ទី​២០ ខែមិថុនា ឆ្នាំ២០១៨​ បាន​ធ្វើការ​ឃាត់ខ្លួន​បុរស​ម្នាក់​ បន្ទាប់ពីសម្លាប់​ប្រពន្ធខ្លួនឯង ហើយ​យក​សាកសព​ទៅ​កប់​ចោល​នៅ​ខាងក្រោយចម្ការ​ស្វាយចន្ទី​។

ហេតុការណ៍នេះ កើតទ្បើងកាលពី​វេលា​ម៉ោង​៤ និង ៣០​នាទីរសៀល​ថ្ងៃ​ទី​១៨ ខែលមិថុនា ឆ្នាំ២០១៨ ដោយសមត្ថកិច្ច​បាន​ទទួល​ព័ត៌មាន​ពី​ប្រជាពលរដ្ឋ​នៅ​តំបន់​អូ​កូត ឃុំ​ទំ​រីង ស្រុក​សណ្តាន់ ខេត្តកំពង់ធំ ក្រោយបាត់​ស្ត្រី​រងគ្រោះ​ឈ្មោះ ធា អាយុ​៣៨​ឆ្នាំ ដែល​ត្រូវជា​ប្រពន្ធចុង​របស់​ឈ្មោះ អន លឹ​ក ភេទ​ប្រុស អាយុ​៥៣​ឆ្នាំ ដែលជនរងគ្រោះបាន​ទៅ​រស់នៅ​ក្នុង​ចម្ការ​ស្វាយចន្ទី នៅ​កើតហេតុ​ខាងលើ​។

ក្រោយ​ទទួលបានដំណឹងភ្លាម សមត្ថកិច្ច​បានចុះធ្វើការស្រាវជ្រាវ និង​ស៊ើបអង្កេត​ជា​បន្ទាន់ រហូត​មក​ដល់​ព្រឹក​ថ្ងៃ​ទី​២០ មិថុនា ២០១៨​នេះ សមត្ថកិច្ច​បាន​ទៅដល់​កន្លែង​កើតហេតុ ក៏​បានរក​ឃើញ​សាកសព​ឈ្មោះ ធា ត្រូវ​ឃាតក​សម្លាប់​កប់​ចោល​នៅ​ខាងក្រោយ ចម្ការ​ស្វាយចន្ទី​នោះ​។ ក្រោយ​ពី​បាន​រក​ឃើញ​កន្លែង​កប់​សាកសព​ស្ត្រី​រងគ្រោះ ទើប​បន្តធ្វើការ​ឃាត់ខ្លួនជនសង្ស័យ​ឈ្មោះ អន លឹ​ក ត្រូវជា​ប្តី​នាំ​ទៅ​សាកសួរ។

តាមចម្លើយសារភាពជនសង្ស័យ បានឲ្យដឹងថា រូបគេពិតជា​បាន​សម្លាប់​ប្រពន្ធចុងនោះ​មែន​ ​ដោយ​រឹត​ក​នឹងខ្សែ​អង្រឹង​រហូត ដល់​ស្លាប់ រួច​យក​សព​ទៅ​កប់​នៅ​ក្រោយ​ចម្ការ​ស្វាយចន្ទី​។

ដោយការ​សម្លាប់​ប្រពន្ធចុង​នេះ មូលហេតុ ដោយ​មានការ​ឈ្លោះប្រកែក​គ្នា​ទាក់ទិន​រឿងរ៉ាវ​ជា​ច្រើន​នៅ​ក្នុង​គ្រួសារ​ បន្ទាប់​ពី​សួរ​យក​ចម្លើយ​រួចរាល់ហើយ សមត្ថកិច្ច​បាន​កសាង​សំណុំរឿង និងបាននាំជន​ស​សង្ស័យទៅ​កាន់​ស្នងការដ្ឋាន​នគរបាល​ខេត្ត ដើម្បី​បញ្ជូន​បន្តទៅ​សាលាដំបូង​ ចាត់ការតាម​នីតិវិធី​៕

មតិយោបល់