ព្រះសីហនុៈ មានករណីគ្រោះថ្នាក់ចរាចរណ៍មួយបានកើតឡើង ដោយមានរថយន្ត ស៊េរីទំនើបកប់ពពកម៉ាក រ៉ូរ៉យ ស្លាកលេខ ភ្នំពេញ 2BE-8888 មួយគ្រឿង បានបើកពីជើងមកត្បូង បុករះទ្រូងផ្លូវ និងបង្គោលភ្លើង១ដើម នៅផ្លូវឯករាជ្យ ខ្ទេចរប៉ាត់រប៉ាយ បង្កការភ្ញាក់ផ្អើលកាលពីវេលាម៉ោង៥និង៤០នាទី ព្រឹកថ្ងៃទី២៣ ខែមិថុនា ឆ្នាំ២០១៨ នៅចំណុចផ្លូវឯករាជ្យ មុខមន្ទីរពេទ្យចំការចេក ក្នុងក្រុងព្រះសីហនុ ខេត្តព្រះសីហនុ។
ចំណែកអ្នកបើកបររថយន្តបានគេចខ្លួនចេញពីកន្លែងកើតហេតុបាត់ ហើយរថយន្តខាងលើ ត្រូវបានសមត្ថកិច្ចស្ទូចយកទៅរក្សាទុកនៅការិយាល័យនគរបាលចរាចរណ៍ផ្លូវគោក រង់ចាំដោះស្រាយគ្នាតាមច្បាប់បន្តទៀត៕
មតិយោបល់