ព្រះសីហនុៈ មានករណីគ្រោះថ្នាក់ចរាចរណ៍មួយបានកើតឡើង រវាងម៉ូតូសង់សេ១២៥ ពណ៌ខ្មៅ ពាក់ស្លាកលេខ កំពត 1E-7729 ជិះដោយបុរសម្នាក់ ខ្វះការប្រុងប្រយត្ន័ ជ្រុលមកបុកស្ត្រីវ័យចំណាស់ ដែលជាបុគ្គលិកបម្រើការ ខាងផ្នែកអនាម័យនៅតំបន់សេដ្ឋកិច្ចពិសេសបិតត្រាំង កំពុងដើរឆ្លងផ្លូវពេញទំហឹង បណ្តាលឲ្យស្ត្រីរងគ្រោះស្លាប់ភ្លាមៗនៅនឹងកន្លែងយ៉ាងរន្ធត់តែម្តង។ ចំណែកភាគីខាងម៉ូតូរបួសធ្ងន់ត្រូវបានបញ្ជូនទៅសង្គ្រោះបន្ទាន់នៅមន្ទីរពេទ្យ។

ហេតុការណ៍នេះកើតឡើងនៅម៉ោង៧និង៣០នាទី ព្រឹកថ្ងៃទី២៩ ខែមិថុនា ឆ្នាំ២០១៨ ស្ថិតនៅចំណុចភូមិពូធឿង ឃុំបិតត្រាំង ស្រុកព្រៃនប់ ខេត្តព្រះសីហនុ៕