Post News Media ព័ត៌មានជាតិ រថយន្តដឹកដែកម...

រថយន្តដឹកដែកមួយគ្រឿង ចុះ​ចំណោត​ រអិល​ធ្លាក់​ផ្លូវក្រឡាប់ទាំងព្រឹក

ព្រះសីហនុ: មានករណីគ្រោះថ្នាក់ចរាចរណ៍មួយ បានកើតឡើង ដោយមានរថយន្តដឹក​ដែក​មួយ​គ្រឿង​បាន​ចុះ​ចំណោត​ រអិល​ធ្លាក់​ផ្លូវ​ទៅ​ខាង​ស្តាំ​ដៃ​​ក្រ​ឡាប់​ កាលពីវេលាម៉ោង៩ព្រឹក ថ្ងៃទី១ ខែកក្កដា ឆ្នាំ២០១៨ (ផ្លូវ​បំបែក​ផ្លូវ​ជាតិ​លេខ​៤ ចុះ​មក​អូរត្រេះ​ចាស់​ ) សង្កាត់​លេខ​៤​ ក្រុង​ព្រះសីហនុ ខេត្ត​ព្រះសីហនុ។

រថយន្តដែលក្រឡាប់នេះ​ម៉ាក​ HYUNDAI ពណ៌ស​ ស្លាក​លេខ​ កំពង់​ធំ ​3A-1815 សណោ្តងរ៉ឺម៉ក​ដឹក​ដែក​សរសៃ​​ ​បើកបរ​ដោយឈ្មោះ​ នូ​ ប៊ុនថា​ ភេទប្រុស​ អាយុ​ ២៨ឆ្នាំ​ មុខរបរបើកបរ មានទីលំនៅ​ខណ្ឌ​សែនសុខ​ រាជធានីភ្នំពេញ​ មានអ្នករួមដំណើរ​ម្នាក់ឈ្មោះ ​យា​ ប៊ុនធឿន​ ភេទ​ប្រុស​ អាយុ​ ៥៣ឆ្នាំ​ មុខរបរ​ ថៅកែ​រថយន្ត​ មានទីលំនៅ​ឃុំ​ ស្រុក​កំពង់លាវ​ ខេត្ត​ព្រៃវែង​។

គួរបញ្ជាក់ថា រថយន្ត​នេះដឹកដែក​មកពី​ភ្នំពេញ​ ឆ្ពោះ​មក​ខេត្ត​ព្រះសីហនុ​ លុះដល់ចំណុចខាងលើ​ ត្រង់ផ្លូវ​ចុះ​ចំណោត​ មក​អូរត្រេះ​ ក៏រអិល​មក​ខាង​ស្ដាំ​ដៃ​ធ្លាក់​ផ្លូវ​ក្រឡាប់​តែ​ម្ដង​ បណ្ដាល​ឲ្យ​ឈ្មោះ​ យា​ ប៊ុនធឿន​ អ្នករួម​ដំណើរ​លើ​រថយន្ត​ រងរបួស​ជើង​ខាង​ស្ដាំ​ធ្ងន់ធ្ងរ បានបញ្ជូនទៅ​សង្គ្រោះ​នៅ​គ្លីនិក​មិត្តភាព​ឃ្លាំង​លើ​៕

Loading...