ភ្នំពេញៈ បុរសជនជាតិចិនម្នាក់បើករថយន្តទាំងស្រវឹងក្នុងល្បឿនលឿន ខណៈមកដល់ចំណុចផ្លូវបំបែកជាបួនមិនបន្ថយល្បឿនក៏ជ្រុលបុកម៉ូតូហុងដាឌ្រីមសង់ពីចំហៀងពេញទំហឹងអូសជាង ៣០ម៉ែត្រ បណ្តាលឲ្យរងរបួសធ្ងន់២នាក់។

ហេតុការណ៍​នេះបានកើតឡើងកាលពីវលាម៉ោង១២និង២០នាទីរំលងអាធ្រាតឈានចូលថ្ងៃទី២០ ខែកក្កដា​ ឆ្នាំ២០១៨​ នៅចំណុចស្តុបអាគារ៤២ជាន់​ តាមបណ្តោយផ្លូវព្រះមុន្នីវង្ស​ ស្ថិតក្នុងសង្កាត់បឹងព្រលឹត​ ខណ្ឌ៧មករា រាជធានីភ្នំពេញ។

តាមសាក្សីនៅកន្លែងកើតហេតុបានអោយដឹងថា​ មុនពេលកើតហេតុគេបានឃើញយុវជន២នាក់ជិះម៉ូតូម៉ាកហុងដា​ឌ្រីមសង់​ ពណ៍ខ្មៅ​ ពាក់ស្លាកលេខ ក្រចេះ 1E-4487 ធ្វើដំណើរតាមបណ្តោយផ្លូវព្រសីហនុ​ ក្នុងទិសដៅពីកើតទៅលិច ខណៈមកដល់ចំណុចកើតហេតុស្រាប់តែមានរថយន្តម៉ាកហាយឡែនឌ័រ​ ពណ៌ស្លែ​ ពាក់ស្លាកលេខ ភ្នំពេញ 2AR-5563 បើកបរដោយបុរសម្នាក់ជាជនជាតិចិនទាំងស្ថានភាពស្រវឹង​ ធ្វើដំណើរតាមបណ្តោយផ្លូវព្រះមុន្នីវង្ស​ ក្នុងទិសដៅពីជើងទៅត្បូងក្នុងល្បឿនលឿនដោយមិនបានបន្ថយល្បឿនក៏ជ្រុលបុកម៉ូតូពីំហៀងពេញទំហឹងហើយអូសម៉ូតូជាប់ក្រោមរថយន្តជាង៣០ម៉ែត្រទើបឈប់ធ្វើឲ្យអ្នកជិះម៉ូតូរងរបួសធ្ងន់​។ ចំណែកម៉ូតូនិងរថយន្តរងការខូចខាតយ៉ាងដំណំ។ ភ្លាមនោះជនរងគ្រោះក៏ត្រូវបានរថយន្តសង្គ្រោះដឹកទៅមន្ទីរពេទ្យភ្លាមៗ។

​ ក្រោយពេលកើតហេតុសមត្ថកិច្ចចុះមកដល់ចំណុចកើតហេតុនិងឃាត់ម្ចាស់រថយន្តប្រគល់ឲ្យជំនាញចរាចរណ៍និងវាស់វែងយករថយន្ដនិងម៉ូតូទៅអធិការដ្ឋាននគរបាលខណ្ឌ៧មករាដើម្បីរង់ចាំដោះស្រាយនៅពេលក្រោយ៕