ផ្ទះ ព័ត៌មានជាតិ ស្រវឹងដ៏កម្រិ...

ស្រវឹងដ៏កម្រិត បើករថយន្តក្រឡាប់ដេកលើសួន

0

ភ្នំពេញ: ករណីគ្រោះថ្នាក់ចរាចរណ៍​ បង្កឡើង​ដោយបុរសម្នាក់​ស្រវឹងធ្លាក់ភ្នែក បើក​​រថយន្ត​​ដឹកទំនិញមួយគ្រឿង រេចង្កូច​ក្រឡាប់ដេកលើសួន​ច្បារ​ ខណ:​មេឃ​កំពុង​ភ្លៀង តាមផ្លូវជាតិលេខ៦ ក្នុង​ទិសដៅចូលក្រុងភ្នំពេញ កាលវេលាម៉ោង១១:៥០នាទីយប់ ថ្ងៃទី២៥ ខែមិថុនា ឆ្នាំ២០១៦ ។

​ប្រភព​ពីកន្លែង​កើត​ហេតុបាន​ឲ្យដឹងថា បុរសម្នាក់បើក​រថយន្តកូរ៉េមួយតោនកន្លះ ពណ៌​ខៀវ ពាក់ស្លាកលេខ ភ្នំពេញ2AC-8475 បើកមកពីទិសខាងកើត តាមផ្លូវជាតិលេខ៦ បានបុកឃឿនសួនច្បារ ខាងកើតរង្វង់មូល ក្រឡាប់ដេកលើសួនទាំងមេឃកំពុងធ្លាក់ភ្លៀង។ ក្រោយពីរថយន្តក្រឡាប់ គេបានឃើញអ្នកបើកបរចេញពីរថយន្ត ក្នុងស្ថានភាពស្រវឹងជោកជាំ តែពុំមានរបួសធ្ងន់ធ្ងរនោះទេ ហើយបានគេចខ្លួនបាត់ស្រមោល​។

ក្រោយកើតហេតុ ប៉ូលិសបាននាំយករថយន្តបង្ក​ទៅកាន់ ការិយាល័យចរាចរណ៍ក្រុងភ្នំពេញ ដើម្បីកោះហៅម្ចាស់ឲ្យចូលខ្លួន មកដោះស្រាយតាមច្បាប់​៕

Loading...