ក្រុមហ៊ុនផលិតស្មាតហ្វូនតៃវ៉ាន់ HTC បានប្រកាសតែងតាំងអ្នកស្រី Cher Wang ជានាយកប្រតិបត្តិថ្មី ជំនួស​លោក Peter Chou។ នេះបើយោងតាមការចុះផ្សាយរបស់ Reuters ចេញផ្សាយនៅថ្ងៃទី២០ ខែមីនា ឆ្នាំ ២០១៥។

លោកស្រី Cher Wang ជាសហស្ថាបនិកក្រុមហ៊ុន HTC ដែលកន្លងមកអ្នកស្រីបានជួយជ្រុំជ្រែង​ការងារ​ HTC ឲ្យ​ឆ្ពោះទៅមុខ ប៉ុន្តែប៉ុន្មានឆ្នាំចុងក្រោយនេះ ទីផ្សារស្មាតហ្វូន​ HTC បានធ្លាក់ចុះក្រោមកិច្ចដឹកនាំរបស់លោក Peter Chou ដូច្នេះហើយទើប​ HTC សម្រេចចិត្តផ្លាស់ប្ដូរ ឲ្យលោក Peter Chou នឹងត្រូវទៅកាន់តំណែងជា​អភិវឌ្ឍន៍ផលិត។

គួរបញ្ជាក់ផងដែរថា ទីផ្សារស្មាតហ្វូនរបស់ HTC បានធ្លាក់ចុះយ៉ាងគំហុកនាពេលប៉ុន្មានឆ្នាំចុងក្រោយ បើទោះបី​ជា One M8 បានជួយជ្រុំជ្រែងក្ដី ក៏មិនអានអូសឲ្យ HTC ជោគជ័យខ្លាំងឡើងវិញបានផងដែរ៕