បាត់ដំបងៈ មានករណីឃាតកម្មមួយបានកើតឡើង ដោយមានជនសង្ស័យបានជិះរថយន្តម៉ាកហាយឡែនឌ័រ ដេញស្ទាក់រថយន្តដឹកទឹកកករបស់ជនរងគ្រោះ ដែលមានមនុស្សទាំងអស់៣នាក់ រួមដំណើរជាមួយ ហើយដកកាំភ្លើងបាញ់សំដៅក្បាលជនរងគ្រោះម្នាក់ បណ្តាលឲ្យស្លាប់ក្រោយបញ្ជូនទៅសង្គ្រោះបន្ទាន់នៅមន្ទីរពេទ្យ ។

ហេតុការណ៍នេះកើតឡើងកាលពីវេលាម៉ោង៩ ថ្ងៃទី៥ ខែសីហា ឆ្នាំ២០១៨ ផ្លូវលេខ១៥៧០ ក្រុមទី២០ ភូមិក្រពើជើង ឃុំភ្នំសំពៅ ស្រុកបាណន់ ខេត្តបាត់ដំបង។

សពជនរងគ្រោះមានឈ្មោះ ពេជ្រ ភិសា ភេទប្រុស អាយុ២៣ឆ្នាំ រស់នៅភូមិតាង៉ែន ឃុំតាគ្រាម ស្រុកបាណន់ ខេត្តបាត់ដំបង។

ក្រោយកើតហេតុសមត្ថកិច្ចបានរកឃើញសំបកគ្រាប់ម៉ាកប៉េអាម៉ាប់បាញ់រួចចំនួន១គ្រាប់ និងសំបកគ្រាប់មិនទាន់ផ្ទុះចំនួន២គ្រាប់ បច្ចុប្បន្នសមត្ថកិច្ចកំពុងស្រាវជ្រាវបន្ត៕