Post News Media ព័ត៌មានជាតិ ថ្មីទៀតហើយ! ស...

ថ្មីទៀតហើយ! សមត្ថកិច្ចរកឃើញនៅក្នុងប្រហិតត្រីចម្រុះ (ត្រីឆ្កោក និងត្រីឆ្ពិន) មានសារធាតុគីមីបូរ៉ាក់

ភ្នំពេញ: យោងតាមផេក អគ្គនាយកដ្ឋានកាំកុងត្រូលបានឲ្យដឹងថា នៅថ្ងៃទី​៩ ខែ​សីហា ឆ្នាំ២០១៨​ មន្ត្រី​សាខាកាំកុងត្រូល​អាកាស​យានដ្ឋាន​អន្តរជាតិ​ភ្នំពេញ បានសហការជាមួយមន្ត្រីមន្ទីរពិសោធន៍របស់អគ្គនាយកដ្ឋានកាំកុងត្រូល ដែលមានរថយន្តមន្ទីរពិសោធន៍ចល័ត និងមន្ត្រីមន្ទីរពាណិជ្ជកម្ម រួមជាមួយគណ:កម្មការផ្សារជម្ពូរវ័ន្ត​ បានចុះត្រួតពិនិត្យ​ គុណភាព​ សុវត្ថិភាព​ ផលិតផលទំនិញ​ ម្ហូបអាហារ​ នៅផ្សារ​ជម្ពូរវ័ន្ត និងបានអប់រំផ្សព្វផ្សាយស្តីពី​ សុវត្ថិភាពម្ហូបអាហារដល់​អាជីវករ​ ។

ក្នុងនោះសមត្ថកិច្ចបានយកគំរូ ម្ហូបអាហារមួយចំនួនដូចជា សសៃគុយទាវ មី គ្រឿងសមុទ្រ ប្រហិតគ្រប់មុខ និង បន្លែដើម្បីរកសារធាតុគីមី​ដែលច្បាប់ហាមឃាត់ ។

លទ្ធផល៖
-បានរកឃើញនៅក្នុងប្រហិតត្រីចម្រុះ (ត្រីឆ្កោក និងត្រីឆ្ពិន) មានវត្តមានសារធាតុគីមីបូរ៉ាក់ ចំនួន២.៥គីឡូក្រាម និង ត្រីកាប ០.៧៥ គីឡូក្រាម ត្រូវសមត្ថកិច្ចដកហូតដើម្បីយកទៅកម្ទេចចោលតាមនិតិវិធី និងកំពុងស្រាវជ្រាវបន្តរកកន្លែងប្រភពចែកចាយ។
-បានណែនាំដល់អាជីវករ​ អំពីការរក្សាទុកទំនិញ​ ឲ្យបានត្រឹមត្រូវ និងយល់ដឹងអំពីការទទួលខុសត្រូវចំពោះច្បាប់​ លើផលិតផល​ ទំនិញ​ ម្ហូបអាហារ​ របស់ខ្លួន​លក់៕

Loading...