ក្រចេះ: កាលពីថ្ងៃទី១២ ខែសីហា ឆ្នាំ២០១៨ សមត្ថកិច្ចឃាត់ខ្លួនជនសង្ស័យ៤នាក់ កាដែលករណីនេះ សង្ស័យជាករណីឃាតកម្ម។
គួរបញ្ជាក់ថា កាលពីវេលាម៉ោង១១យប់ ថ្ងៃទី០៩ ខែសីហា ឆ្នាំ២០១៨ នៅកោះប្រឹម ភូមិប្អៀ ឃុំថ្មី ស្រុកចិត្របុរីខេត្តក្រចេះ មានករណីឃាតកម្ម(សម្លាប់រួចដុតផ្ទះ)។
ជនរងគ្រោះ ចំនួន៤នាក់៖ទី១ឈ្មោះ ឆុំ ឈាន ភេទប្រុស អាយុ៣០ឆ្នាំ(ជាប្តី) ,ទី២ឈ្មោះ ជួន សុខនាងភេទស្រី អាយុ៣៦ឆ្នាំ(ប្រពន្ធ) ,ទី៣ឈ្មោះ ឈាន ភឹមឈី ភេទប្រុស អាយុ១១ឆ្នាំ(កូន) និងទី៤ឈ្មោះ ឈាន វណ្ណី ភេទស្រី អាយុ៩ឆ្នាំ(កូន) ជនរងគ្រោះរស់នៅកន្លែងកើតហេតុ។
ជនសង្ស័យ ពុំស្គាល់អត្តសញ្ញាណ ក្រោយពីធ្វើសកម្មភាពជនសង្ស័យបានដុតផ្ទះចោលដោយយកសាកសពទាំង៤នាក់ដុតក្នុងផ្ទះ។
គ្រួសារជនរងគ្រោះរស់នៅក្នុងចម្ការ ដាច់ឆ្ងាយពីភូមិតែម្នាក់ឯង។ សូមបញ្ជាក់ សមត្ថកិច្ចទទួលបានព័ត៌មានវេលាម៉ោង៥ល្ងាច ថ្ងៃទី១២ ខែសីហា ឆ្នាំ២០១៨។
បច្ចុប្បន្ន ជនសង្ស័យទាំង៤នាក់ ត្រូវបាន នាំទៅសាកសួរនៅស្នងការនគរបាលខេត្ត ។ ទោះបីជាយ៉ាងណា ពាក់ព័ន្ធករណីឃាតកម្មនោះនៅមិនទាន់ដឹងពីមូលហេតុពិតប្រាកដ ខណ:សមត្ថកិច្ចកំពុងធ្វើកិច្ចនេះយ៉ាងក្តៅគគុក៕
មតិយោបល់