កំពង់ស្ពឺៈកាលពីវេលាម៉ោង៧និង៤៥នាទី យប់ថ្ងៃទី២២ ខែសីហា ឆ្នាំ២០១៨ មានករណីគ្រោះថ្នាក់ចរាចរណ៍មួយបានកើតឡើង រវាងបណ្តាលឲ្យមនុស្ស២នាក់រងរបួសធ្ងន់ នៅចំណុចផ្លូវជាតិលេខ៤ គីឡូម៉ែត្រ៥៧-៥៨ ភូមិពង្រធំ ឃុំកាហែង ស្រុកសំរោងទង ខេត្តកំពង់ស្ពឺ។
សមត្ថកិច្ចបានឲ្យដឹងថា ម៉ូតូម៉ាក FUTURE ពណ៌ខ្មៅ ពាក់ស្លាកលេខ ភ្នំពេញ 1AQ-3417 អ្នកបើកបរឈ្មោះ ឈីម ឆន ភេទប្រុស អាយុ៤០ឆ្នាំ (របួសធ្ងន់) ឌុបមនុស្សម្នាក់ឈ្មោះ ឈឺន ថា ភេទប្រុស អាយុ៣៧ឆ្នាំ (របួសធ្ងន់) អ្នកទាំង២នៅភូមិទួល ឃុំមហាសាំង ស្រុកភ្នំស្រួច បានបុករថយន្តពីក្រោយ ១គ្រឿង ម៉ាក FREIGHT LINER ពណ៌ស-លឿង ពាក់ផ្លាកលេខ ភ្នំពេញ 3D-9267 សណ្តោងរ៉ឺម៉ក គ្មានផ្លាកលេខ អ្នកបើកបរមិនស្គាល់ឈ្មោះ (ចុះរត់បាត់) ដែលកំពុងបើកបរស្របទិសគ្នា។ ចំណែកអ្នករបួសបានបញ្ជូនទៅពេទ្យបង្អែកខេត្តកំពង់ស្ពឺ។
ក្នុងនោះដែរ មូលហេតុបណ្តាលមកពី អ្នកបើកម៉ូតូបាត់ម្ចាស់ការ បានបុកពីក្រោយរថយន្ដតែម្ដង។ចំណែកម៉ូតូខូចខាតធ្ងន់។
ក្រោយកើតហេតុ វត្ថុតាងទាំង២គ្រឿងត្រូវបានសមត្ថកិច្ចយកមករក្សាទុក នៅអធិការដ្ឋាននគរបាលស្រុកសំរោងទង បណ្ដោះអាសន្នរង់ចាំចាត់ការតាមនីតិវិធីច្បាប់បន្ថែម៕
មតិយោបល់