សៀមរាប: កាលពីវេលាម៉ោង២និង៣០នាទីរសៀល ថ្ងៃទី២៣ ខែសីហា ឆ្នាំ២០១៨ មានករណីអគ្គិភ័យឆាបឆេះផ្ទះប្រជាពលរដ្ឋ១ខ្នងអស់ទាំងស្រុង នៅភូមិជ្រៃ សង្កាត់ទឹកវិល ក្រុងសៀមរាប ខេត្តសៀមរាប។
ម្ចាស់ផ្ទះឈ្មោះ ផល ឡាវី ភេទស្រី អាយុ៣៣ឆ្នាំ ជាស្រ្តីមេម៉ាយ រស់នៅភូមិសង្កាត់កើតហេតុ។
សម្ភារ:ខូចខាត ផ្ទះឈើលើថ្មក្រោម ទំហំ ៧មគុណ៨ម,ម៉ូតូគុប១គ្រឿង,ម៉ាស៊ីនកិនទឹកអំពៅ១ គ្រឿង,ឈុតចាក់ឌីស១ឈុត,កង្ហារ១គ្រឿង,សៀវភៅគ្រួសារ សំបុត្រកំណើត សៀវភៅស្នាក់នៅ និងសម្ភារ:ប្រើប្រាស់មួយចំនួនទៀត។
ករណីនេះកម្លាំងសមត្ថកិច្ចនគរបាលបង្ការពន្លត់អគ្គិភ័យបានចេញរថយន្តពន្លត់អគ្គិភ័យចេញអន្តរាគមន៍ចំនួន២គ្រឿង.ប្រើប្រាស់ទឹកចំនួន១រថយន្តផងដែរ។
មូលហេតុមកពីឆ្លងចរន្តអគ្គិសនី(ទុស្សេខ្សែភ្លើង)៕
មតិយោបល់