កំពង់ចាមៈ នៅវេលាម៉ោង៨ព្រឹក ថ្ងៃទី៣០ ខែសីហា ឆ្នាំ២០១៨ លោកវរសេនីយ៍ត្រី ហុង ម៉ៅ អធិការររងនគរបាលស្រុកស្រីសន្ធរ បានដឹកនាំ កម្លាំងប៉ុស្តិ៍នគរបាលរដ្ឋបាលកោះអណ្តែត ប៉ុស្តិ៍នគរបាលរដ្ឋបាលព្រែកដំបូក ប៉ុស្តិ៍នគរបាលរដ្ឋបាលឫស្សីស្រុក និងប៉ុស្តិ៍នគរបាលរដ្ឋបាលស្វាយសាច់ភ្នំ ស្រុកស្រីសន្ធរ បានសហការគ្នាជួយរុះរើផ្ទះប្រជាពលរដ្ឋដែលរងគ្រោះប្រឈមដោយបាក់ច្រាំងទន្លេជិតដល់ផ្ទះ ហើយជម្លៀសទៅទីទួលសុវត្ថិភាពចំនួន៣ខ្នងផ្ទះ។

ក្នុងនោះរួមមាន៖
១.ឈ្មោះ ប៉ន ថា ភេទប្រុស អាយុ៥៥ឆ្នាំ ផ្ទះឈើប្រក់ក្បឿង ទំហំ ១០ម៉ែត្រ × ៩ម៉ែត្រ
២.ឈ្មោះ ទូច ឡាំងភូ ភេទស្រី អាយុ៦៣ឆ្នាំ ផ្ទះឈើប្រក់ក្បឿង ទំហំ ១០ម៉ែត្រ × ៦ម៉ែត្រ
៣.ឈ្មោះ ជា ណាន ភេទស្រី អាយុ៥៧ឆ្នាំ ផ្ទះឈើប្រក់ក្បឿង ទំហំ ១០ម៉ែត្រ × ៦ម៉ែត្រ នៅភូមិឫស្សី ឃុំឫស្សីស្រុក ស្រុកស្រីសន្ធរ ខេត្តកំពង់ចាម៕