Post News Media ព័ត៌មានជាតិ ផឹកស្រវឹង រត់...

ផឹកស្រវឹង រត់ទៅចង.កត្រូវកូនជួយទាន់ លើកទី២ស្លាប់យ៉ាងអាណោចអាធ័ម!…

​កំពង់ធំ: កាលពីវេលាម៉ោង៨​ព្រឹក ថ្ងៃទី៣១ ខែសីហា ឆ្នាំ២០១៨ មានករណីប្រទះឃើញសព​បុរសម្នាក់ធ្វើអត្តឃាត​ចង.កសម្លាប់ខ្លួន នៅត្រពាំងតាម៉ែន ភូមិ​ស្រង់ ឃុំ​ចំណាលើ ស្រុក​ស្ទោង ខេត្ត កំពង់ធំ។

ជនរងគ្រោះឈ្មោះ ធន ទៀង ភេទ​ប្រុស អាយុ៥១ឆ្នាំ នៅភូមិកើតហេតុ​។

តាមការបំភ្លឺពី ឈ្មោះ យ៉ាន ហ៊ង អាយុ៥៣ឆ្នាំ ជាប្រពន្ធ បានបញ្ជាក់ថា ប្តីគាត់ជាមនុស្សផឹក​ស្រា​សរ ជាប្រចាំ ហើយធ្លាប់រត់ទៅចង.កម្តងមកហើយតែកូនៗទៅតាមទាន់យកមកផ្ទះវិញ។
លុះដល់ថ្ងៃទី៣០ ខែឆ្នាំដដែល ម៉ោងប្រហែល​៦​ល្ងាច រហូត ដល់ម៉ោង​១០​យប់ គាត់​ទៅមើល​ឌីស​នៅផ្ទះ​ឈ្មោះ យន នៅផ្ទះជិតគ្នា ពេលត្រលប់មក​វិញមិន​ឃើញប្តី ក៏ដើររកនិងសួរអ្នកជិតខាងតែគ្មាននរណាឃើញទេ។ លុះដល់ម៉ោង​ប្រហែល​៨​ព្រឹក ថ្ងៃទី៣១ ខែសីហា ឆ្នាំ២០១៨ អ្នកភូមិ បានប្រទះឃើញប្តីគាត់ចង.កនិងដើមស្វាយភូមិចាស់ខាងជើងផ្ទះស្លាប់ទៅហើយ។

ក្រោយទទួលបានព័ត៌មាន កម្លាំង​ជំនាញ ស្រុក សហការ ជាមួយ អាជ្ញាធរ មូលដ្ឋានភូមិ ឃុំ គ្រូពេទ្យឃុំនិងសាច់ញាតិ ជនរងគ្រោះចុះដល់កន្លែងកើតហេតុដើម្បីពិនិត្យសព។ តាមការពិនិត្យ កន្លែងកើតហេតុ និងការ ពិនិត្យលើសាកសព ពុំមានស្លាកស្នាម អ្វី ពាក់ព័ន្ធ ករណី ឃាតកម្មឡើយ។

ការសន្និដ្ឋាន ជនរងគ្រោះពិតជា ធ្វើអត្តឃាតចង.ក សម្លាប់ខ្លួនឯងពិតប្រាកដមែន៕