ភ្នំពេញៈ កាលពីវេលាម៉ោង១និង២០នាទី រសៀលថ្ងៃទី៣ ខែកញ្ញា ឆ្នាំ២០១៨ មានករណីប្រទះឃើញសពបុរសម្នាក់ ដេកស្លាប់នៅក្នុងបន្ទប់ផ្ទះសំណាក់យីហោ​ បេ៩ ចំណុចផ្ទះលេខ43B9 ផ្លូវ៨៦​ ក្នុងសង្កាត់ស្រះចក​ ខណ្ឌដូនពេញ​ រាជធានីភ្នំពេញ​ សង្ស័យជាករណីឃាតកម្ម។

សពមានឈ្មោះ ជី​ ពៅ​ អាយុ​ ៣៥ឆ្នាំ​ មានស្រុកកំណើតនៅស្រុកកោះធំ​ ខេត្តកណ្តាល បានជិះម៉ូតូ​មួយគ្រឿងម៉ាក​ហុងដាឌ្រីម​សេ១២៥​ ពណ៌ខ្មៅ​ ស៊េរីឆ្នាំ២០១៧​ ពាក់ស្លាកលេខ ​ភ្នំពេញ​ 1GB-4355 ឌុបនារីម្នាក់​មកស្នាក់នៅ ក្រោយមកនារីនោះបានចុះមកខាងក្រោមតែម្នាក់ឯងចេញទៅក្រៅបាត់ ដោយសង្ស័យបុគ្គលិកផ្ទះសំណាក់ឡើងទៅមើល ស្រាប់តែឃើញជនរងគ្រោះដេកស្លាប់លើពូកបាត់ទៅហើយ ដោយមានបាត់​ ទូរសព្ទ​ដៃ​១គ្រឿ​ង​ និងកាបូបលុយ របស់ជនរងគ្រោះផងដែរ៕