Post News Media ព័ត៌មានជាតិ ខ្លាំងបាត់! ច...

ខ្លាំងបាត់! ចោរប្លន់ម្នាក់គេចខ្លួន១១ឆ្នាំ ទើបចាប់បាន..!

កំពត: កាលពីថ្ងៃទី ១០ ខែ​កញ្ញា ឆ្នាំ​២០១៨ កម្លាំងអធិការដ្ឋានបានអនុវត្តដីកាបង្គាប់ឲ្យចាប់ខ្លួន ជនសង្ស័យ​​ឈ្មោះ ហ៊ុយ មុំ ភេទ​ប្រុស អាយុ​៣៦​ឆ្នាំ មានទីលំនៅភូមិដាស់ស្គរ ឃុំបឹងសាលាខាងជើង ស្រុកកំពង់ត្រាច ខេត្តកំពត បានប្រព្រឹត្ត អំពើប្លន់ នៅភូមិកោះត្នោត ឃុំព្រែកក្រឹស ស្រុកកំពង់ត្រាច ខេត្តកំពត កាលពីថ្ងៃ ១៥ ខែ មករា ឆ្នាំ ២០០៧​។

ដូចពាក្យចាស់លោកថា ជង់មិនដែលភ្លេចកុកនោះទេ មានតែកុកទេភ្លេចជង់ ជាក់ស្តែង ជនសង្ស័យបានគេចខ្លួនរយ:ពេល ១១ឆ្នាំ កន្លងមកហើយ​។

នេះជាការខិតខំរបស់កម្លាំងសមត្ថកិច្ចនៃអធិការនគរបាលស្រុកកំពង់ត្រាច ដែលបានក្តាប់មុខសញ្ញា ដែលមានដីកាចូលក្នុងភូមិស្រាស្ត គឺគេចមិនផុតពីកម្លាំងសមត្ថកិច្ចយើងឡើយ៕