ភ្នំពេញ: ហេតុការណ៍ភ្ញាក់ផ្អើលនេះ បានកើតឡើងកាលពីថ្ងៃទី១៦ ខែកញ្ញា ឆ្នាំ២០១៨ នៅចំណុចផ្ទះគ្មានលេខក្រុម២ ភូមិក សង្កាត់ច្រាំងចំរេះ២ ខណ្ឌឫស្សីកែវ រាជធានីភ្នំពេញ។
ជនរងគ្រោះជាម្ចាស់ម៉ូតូមានឈ្មោះ ចាន់ សុខ វុទ្ធី ភេទប្រុស អាយុ២១ឆ្នាំ ជនជាតិខ្មែរ មានទីលំនៅផ្ទះលេខគ្មាន ក្រុម២ ភូមិក សង្កាត់ច្រាំងចំរេះ២ ខណ្ឌឫស្សីកែវ មុខរបរ លក់ដូរ។ ចំណែកជនសង្ស័យឈ្មោះ ឌី ណារ៉ុង ភេទប្រុស អាយុ១៩ឆ្នាំ ជនជាតិខ្មែរ មុខរបរ មិនពិតប្រាកដ មានទីលំនៅផ្ទះគ្មានលេខភូមិបិងឈូក សង្កាត់គីទ្បូម៉ែត្រលេខ៦ ខណ្ឌឫស្សីកែវ (ឃាត់ខ្លួន) ជនសង្ស័យប្រើប្រាស់គ្រឿងញៀនអស់រយ:ពេល៣ឆ្នាំមកហើយ។
វត្ថុតាងដកហូតបាន រួមមាន៖
-សោខ្សៀលេខ៨ មួយដើម
-ដែកសំប៉ែត ចំនួន១ដើម
-ម៉ូតូស៊ុមមឺអិច ពណ៌សលាយទឹកក្រូច ពាក់ស្លាកលេខ ភ្នំពេញ 1GI-9125 មួយគ្រឿង។
មុនពេលកើតហេតុជនរងគ្រោះ បានទុកម៉ូតូនៅក្រោមផ្ទះ ដោយបានចាក់សោ.កត្រឹមត្រូវ រួចក៏ទៅផ្ទះ លុះដល់ម៉ោង១ និង០៦នាទី ជនរងគ្រោះក៏មកយកម៉ូតូ ស្រាប់តែឃើញជនសង្ស័យ កំពុងលួច(ឆ្កិះសោម៉ូតូ) ភ្លាមនោះជនរងគ្រោះក៏ស្រែកផ្អើលដល់ប្រជាពលដ្ឋ និងកម្លាំងសមត្ថកិច្ច ដែលកំពុងល្បាតនៅជិតកន្លែងកើតហេតុ ធ្វើអន្តរាគមន៍ឈានដល់ឃាត់ខ្លួនជនសង្ស័យ និងវត្ថុតាងយកមកសាកសួរនាំ៕
មតិយោបល់