Post News Media ព័ត៌មានជាតិ ​ជិះម៉ូតូអត់ស...

​ជិះម៉ូតូអត់ស្លាកលេខ ប៉ូលិសហៅឈប់មិនឈប់ បើកគេចខ្លួនពីខណ្ឌពោធិ៍សែនជ័យដល់ខណ្ឌដង្កោ ឃាត់ខ្លួនបានម្នាក់!..

​​ភ្នំពេញ: កាលពីវេលាម៉ោង១១និង៥០នាទីយប់ ថ្ងៃទី១៧ ខែកញ្ញា ឆ្នាំ២០១៨ មានករណីសមត្ថកិច្ចដេញចាប់ជនសង្ស័យ​៣​នាក់ ជិះ​ម៉ូតូ​អត់​ស្លាក​លេខ តាំង​ពីមុខ​វត្ត​ស្លែង ​និង​ឃាត់​ខ្លួនបាន​ម្នាក់ នៅតាម​​​ផ្លូវ​៣៧១ ជិត​នឹង​ក្លឹ​ប​កម្សាន្ត ឌឹ ម៉ី​ង​ភូមិ​ម័​ល សង្កាត់​ដង្កោ ខណ្ឌដង្កោ​។

ជនសង្ស័យមានឈ្មោះ សែន ព្រែក ភេទ​ប្រុស អាយុ​២៣​ឆ្នាំ មុខរបរ​រើស​អេ​ត​ចាយ ស្នាក់​នៅ​មិន​ពិតប្រាកដ និងបក្ខពួក​​ឈ្មោះ និ​ត អាយុ​២៨​ឆ្នាំ និង​ម្នាក់​ទៀត​ឈ្មោះ ផែង អាយុ​២៣​ឆ្នាំ​។

នៅមុនពេល​កើតហេតុ សមត្ថកិច្ចបាន​កំពុង​ល្បាត​តាម​ផ្លូវជាតិ​លេខ​៣ ​មក​ដល់​មុខ​វត្ត​ស្លែង​ក៏​ប្រទះ​ឃើញ​ជនសង្ស័យ​៣​នាក់ ជិះ​ម៉ូតូ​មួយ​គ្រឿង​អត់​ស្លាក​លេខ ឃើញ​សង្ស័យ​សមត្ថកិច្ច​ក៏​ហៅ​ឃាត់​សួរនាំ​នឹង​ឆែកឆេរ តែ​ជនសង្ស័យ​មិន​ព្រម​ឈប់​ថែម​ទាំង​បន្ថែម​ល្បឿន​យ៉ាង​លឿន​ព្យាយាម​បើក​រត់​ចូល​ដល់​ទឹកដី ខណ្ឌ​ពោធិ៍​សែន​ជ័យ បាន​សហការ​គ្នា​ជួយ​ដេញ​បង្ក្រាប រហូត​មក​ដល់​ផ្លូវ​៣៧១ ចំណុច​កើតហេតុ​ក៏​ត្រូវ​ជនសង្ស័យ ផ្តួល​ម៉ូតូ​ចោលរ​ត់លោត​ចូល​ប្រឡាយ​ទឹក​ស្អុយ​គេចខ្លួន​អស់​២​នាក់ និងឃាត់ខ្លួនបានម្នាក់តែម្តង។​

​បច្ចុប្បន្ន ​ជនសង្ស័យ​ត្រូវ​បាន​កម្លាំង​សមត្ថកិច្ច​ខណ្ឌដង្កោ​ឃាត់ខ្លួន​យក​ទៅ​សាកសួ​នាំ​បន្ត​នៅ​អធិការដ្ឋាន​ខណ្ឌដង្កោ និង​ចាត់ការ​តាម​នីតិវិធី​៕